Retour
Provence-Alpes-Côte d'Azur Corse Auvergne-Rhône-Alpes Grand Est Bourgogne-Franche-Comté Occitanie Nouvelle-Aquitaine Centre-Val de Loire Île-de-France Hauts-de-France Normandie Pays de la Loire Bretagne
  • Toute la France
  • Auvergne-Rhône-Alpes
  • Bourgogne Franche-Comté
  • Bretagne
  • Centre-Val de Loire
  • Corse
  • Grand Est
  • Hauts-de-France
  • Île-de-France
  • Normandie
  • Nouvelle-Aquitaine
  • Occitanie
  • Pays de la Loire
  • Provence-Alpes-Côte d'Azur
Changer de région
Centre-Val de Loire
Changer de région
Corse
Changer de région
Hauts-de-France
Changer de région
Normandie
Retour

A laicità... di Ghjacumu Fusina

-
Par , France Bleu RCFM

Sta parulla chì esiste in francese da a fine di u seculu 19 porta u significatu puliticu è suciale d’una spicchera, trà a sucietà civile è quella religiosa.

.
. © Getty - .

 Volesi dì in principiu, chì u Statu ùn deve tene nisun putere religiosu è e Chjese, da l’altra parte, nisun putere puliticu. Pare un’affare intesu in Francia chì ci simu avvezzi pianu pianu, ma ùn fubbe cusì facile à mette a pratica in ballu è ci volsenu e lotte longhe è accanite trà i dui puteri tradiziunali nant’à e nostre sucietà.

Un si ghjunse daveru à una spezia d’accordu in u cunflittu chè quandì a stituzione di a Scola s’urganizò, ella dinù, pianu pianu, ma si pò dì à calci è à pugni, cù l’ideale di libertà di pensamentu è di spressione da oggettivu maestru. Sapendu quantunque cum’ella hè sempre stata difficiule di piglià in contu attempu, ancu cun l’aiutu di e sfinizioni ghjuridiche, u cuntegnu laicu, e cunvinzioni intime, a quistione di a fede, o l’aspetti psicosuciologichi di a situazione di tuttognunu.

D’altronde, à chì s’hè affaccatu in certi paesi strangeri, ancu vicini, s’hè di sicuru avvistu ch’ùn hè cusì currente issa spicchera trà u civile è u religiosu in a vita publica è suciale. Ma cù a multiplichera di e religioni è altre credenze, chì si purrianu affruntà, porta di più in più a laicità di Statu à pruvà d’esse una spezia di mezanu trà di puteri seculari è à circà di prutege cusì una certa pace suciale.

Tandu u casu francese ùn pare più cusì originale, è si trova ancu ogni tantu davanti à muri novi d’incapiscitura, in casa cum’è fora, masimu quandu certi d’issi puteri vurrianu piuttostu imponeli, invece di ragiunà, un modu di campà inseme, e so manere è i so usi, ancu cun fatti più viulenti pè fassi avanti.

Ghjacumu Fusina

Choix de la station

À venir dansDanssecondess