Retour
Provence-Alpes-Côte d'Azur Corse Auvergne-Rhône-Alpes Grand Est Bourgogne-Franche-Comté Occitanie Nouvelle-Aquitaine Centre-Val de Loire Île-de-France Hauts-de-France Normandie Pays de la Loire Bretagne
  • Toute la France
  • Auvergne-Rhône-Alpes
  • Bourgogne Franche-Comté
  • Bretagne
  • Centre-Val de Loire
  • Corse
  • Grand Est
  • Hauts-de-France
  • Île-de-France
  • Normandie
  • Nouvelle-Aquitaine
  • Occitanie
  • Pays de la Loire
  • Provence-Alpes-Côte d'Azur
Changer de région
Centre-Val de Loire
Changer de région
Corse
Changer de région
Hauts-de-France
Changer de région
Normandie
Retour

Certe paghe... di Ghjacumu Fusina

-
Par , France Bleu RCFM

Per ùn parlà torna di a maladetta pandemia chì principiemu à avenne pienu e stacche, cambieremu stu colpu di sugettu è parleremu di pallò.

L'argent du foot
L'argent du foot © Getty - .

Aghju u mendu di leghje un ghjurnale spurtivu chì stu pocu trattava di e paghe di i ghjucatori di pallò. Non solu evucandu a quistione à l’ingrossu cum’ella si pò fà ogni tantu, cum’ella accadia ancu in caffè in tempi benedetti, ma pigliendu u so tempu cù un censu generale pè ogni squatra prufeziunale di primu gradu, paragunendu ciò ch’elli tuccavanu ghjucadori è furmatori diversi.

Eranu cumunicate e paghe di tuttognunu, calculate à u mese tantu senza mudifiche chè nette, dopu cacciate e tasse, è ancu dopu tenutu contu di l’impositu, ogni datu essendu stimatu da ghjente chì cunnoscenu bè usi è manere di i mezi prufeziunali d’oghje. Si sà d’altronde ch’elle sò calate assai e rientrate di solli senza spetatori, è dopu u fiascu tremendu di quelli chì devianu trasmette e cumpetizioni à a televisione.

Sò quantunque sprupositi à leghje ciò ch’elli toccanu i ghjucatori in generale, ancu cù e sfarenze segondu e squatre è a nomina d’unu o di l’altru, masimu quelli chì sò cunsiderati tercani. Ancu senza vulè difende nè accusà à questu è à quellu, si pò ricunnosce chì u sistema generale chì permette è accetta issi sprupositi, sopr’à tuttu in tempi di scarsia è di miseria nera cunnisciuti oghje, ùn hè tantu bella nè ghjusta prova. Ci sò chì palesanu cù mudestia ch’elli sò privileghji di u mistieru.

Ma cum’è cunsulazione, mi sò avvistu chì certi ghjucadori o furmatori nustrali, anziani di a squatra bastiaccia, impiegati in altrò è senza cità nomi, ùn danu cusì gattivu esempiu cù decisioni persunali, travagliu è ragiunamentu più assennati è più maturi. Ci vulia à dilla dinù quessa.

Ghjacumu Fusina

Choix de la station

À venir dansDanssecondess