Replay du jeudi 28 février 2019

An Diviz - Ar vaboriadezh en Iliz. Peur e paouezo ?

- Mis à jour le

Ar miz tremenet e oa bet barnet ar c'hardinal Barbarin gant justis Lyon. Ar sizhun trememet ez eus bet deus ur c'hongrez dreist-ordinal gouestlet da gudenn ar bedofiliezh er Vatican. Ar sizhun-mañ eo bet kondaonet George Pell, teñzorour ar Vatican. Daoust-ha gwall-aferioù all a vo anavezet c'hoazh ?

Philippe Barbarin, cardinal-archev^que de Lyon, devant le tribunal correctionnel de Lyon, le 7 janvier 2019
Philippe Barbarin, cardinal-archev^que de Lyon, devant le tribunal correctionnel de Lyon, le 7 janvier 2019 © Radio France - Jeff Pachoud

Abaoe penn kentañ ar bloavezhioù 2000 e kred an dud e Bro Frañs kontañ ar pezh zo c'hoarvezet ganto. Alies e vez ar memes istor ganto. Yaouank e oant, masikot pe skout, 9 bloaz o doa lod, 12 pe 14 lod all. Ur beleg a lavare dezho chom gantañ hep den ebet all hag aze e poke outañ, e tage anezhañ. Ha den ne lavare tra. Mut e chome ar vugale ha ken mut ha-se e chome an Iliz. An afer Preynat ha Barbarin e Lyon n'eus diskouezhet mat pegen kriz eo evit ar vugale bet taget. Tem diviz ar Yaou e oa fenoz. 

Ganeomp e oa an Tad Daniel a Gerdanet deus parrez Kastellin ha Guillemette In, ur gatolikez yaouank. Pellgomzet hon oa ivez da Herve ar Bihan, rener skol-veur Roazhon 2 evit kaozeal diwar-benn ar werzenn "Taol louz Begard" bet skrivet e 1927 diwar-benn daou veleg bet kondaonet. 

Evit gouzout hirroc'h e c'hellit lenn ivez al levr "Enragé !" (ed. Skol Vreizh) deus Jean-Pierre Le Roux. Kontañ a ra dre ar munud penaos e oa bet taget e-pad e yaouankiz e Breizh Izel. 

An tad Daniel a Gerdanet ha Guillemette In
An tad Daniel a Gerdanet ha Guillemette In © Radio France - Tudi Crequer