Replay du dimanche 25 avril 2021

L'horoch'ti de ce dimanche 25 avril

CANCER, te vas t’ treuver bin à l’ coyette au mitan de t’ famill’ ...

José Ambre
José Ambre © Radio France

BELIER, y-a du vint dins les voiles aveuc tes amours ti, et cha pourrot bin teurner in cyclone,… y-a  d’ l’amus’mint dins l’ air, je l’ sints… !

TAUREAU, t’as eune pêche du fu du Diu du bon Diu, et te t’ jettes à corps pardu dins la danse in intraînant tous tes gins autour ed’ ti… in peut dire equ’ t’as d’ l’ allan ti, aujord’hui …!

Te n’ fais point dins la dintelle GEMEAUX, et cha, aussi bien in paroles qu’ in amour, attintion quand même à ti de n’ vexer parsonne, sinon, te n’ vas point t’ faire equ’ des comarats …!

CANCER, te vas t’ treuver bin à l’ coyette au mitan de t’ famill’ et t’ laicher glicher dins l’ bonheur …Eune jornée comme tertous i n’ in voudrot, hein min loute …!

LION, te vas tout faire pour et’ rinde biau, et te vas i arriver … Même que ch’ résultat i va-t’ête étonnant….cha s’visite des gins comme ti, te sais ?… mais pos plus d’ six à l’ fos, sinon, garre à chés gindarmes… !

VIERCHE, t’ as d’ z’invies point vraimint catholiques et cha s’ voé… ! T’as 2 solutions : soit qu’ t’as l’corache ed’ tes idées et t’assumes, soit qu’te fais tout quo qu’i faut pour el’ mucher,à ti d’ vire… !

BALANCHE, et’ jornée va t’ête occupée focque par ed’ z’affaires ed famill’ et va y-avoèr des choix à faire…et là, j’ peux rin pour ti, faudra faire au miux min loute…!

Ti, SCORPION, t’es complèt’mint obsédé par queuqu’un aveuc qui qu’te travalles… A m’n’avis qu’ te devros crèver ch’ l’ abcès avant qu’ cha s’invenime,.. !

SAGITTAIRE, cha va miux dins tin ménache et te c’minches à respirer…Ch’est fort fort héreux, pass’que sins respirer in n’ vas pont long… !

CAPRICORNE, pét’ête bin qu’i s’rot question d’ un tiot souper aux candelles aveuc queuqu’un qu’ t’as fort querre…. Ch’est plutôt à s’pourlèquer les babines non …?

VERSEAU, t’es à cran et cha s’ vot su’ t’ figure comme un pourcheau dins eune vitrine ed’ bijoutier…Calm’te et respire du vinte, cha va passer …!

 Et infin, PICHON, tes finances alles z’ont l’ air ed’ cliner du côté qu’ alles veul’tent querre mais rassures-te, in ch’ momint, ch’est pour tout l’ monde parel’, alors fais comme mi, attinds qu’cha passe

Mots clés: