Replay du lundi 26 avril 2021

L'horoch'ti de ce lundi 26 avril

LION, t’ as des bon comarats qui vont s’ porter garants pour ti...

José Ambre
José Ambre © Radio France

BELIER, t’ as un rôle important  dins eune affaire qui s’ met in route et qui a d’ l’ av’nir, et à vire equ’ cha t’vas comme un capiau su’ l’ tiête d’un bourgeou… !

TAUREAU, t’ as un gros cop à juer, ti,  un cop gros comme eune mason, alors surtoute, dis-te bin qu’ te n’as point l’ drot d’ laicher passer cha… !

GEMEAUX, in a bézon d’ ti pour arringer un rindez-vous  et ti, cha t’amuse fort ed’ faire les intremetteux … Te diras i vaut miux cha que d’ foute el’ broulle dins les ménaches …non …?

T’ as querre faire aller t’ bouque, CANCER, mais y-a point grand coss’ qui suit quand qu’ i s’agit d’ faire vire chou qu’ t’es capape ed’ faire… et cha va nuire à t’ réputation… !

LION, t’ as des bon comarats qui vont s’ porter garants pour ti et cha va gramint t’aider à régler eune affaire compliquée…, n’oblie surtout point d’ leu dire merci, cha s’ fait… !

I faut printe tes responsabilités VIERCHE, et va falloér payer de t’ parsonne pour arriver à tes fins , sinon …!

Dins tin traval, BALANCHE tout i va t’ réussir , et parel pour chés SCORPIONS qui sont irréprochapes… in est fier d’euss’ et tertous les admir’tent… !

Pitit à pitit, SAGITTAIRE, in va céder à tes avinches… Oh…ch’est sûr equ’ cha s’ fait point tout seul tout cha, mais quand qu’ in est pachient, in est toudis récompinsé …!

CAPRICORNE, te ress’ su’ tes positions et in t’ f’ra point canger d’ avis … parc’que ti, quand t’as quit’cosse dins t’ tiête te l’as point dù que j’pinse, et i-a parsonne qui t’ f’ra arculer d’un pouche …!

L’ hasard i fait bien les choss’  VERSEAU, et te vas r’treuver, au détour d’ un qu’min, un comarat’ ed’ longue date… n’arroses quand même point trop l’ affaire… pinses à chés gindarmes… !

Et infin, PICHON, te t’ as jomais sinti aussi bien dins tes z’ amours qu’ in ch’ momint… pourvu qu’ cha dure, min loute…Profites z’ in bien…

Mots clés: