Replay du lundi 22 février 2021

L'horoch'ti de ce lundi avec José Ambre

Toudis sur France Bleu Nord bien seur.

José Ambre
José Ambre © Radio France

Aujord’hui, BELIER, fais in sorte de n’ point mette tin costume ed’ super héros…Ou alors, prinds ch’ ti de ch’ t’ homme invisipe, t’évit’ras de faire arpérer in cas d’ mauvaiss’ rinconte… !

TAUREAU, tes rêves i pourrot’tent bin s’ réaliser…A condition seul’mint d’ bin vouloèr oser passer à l’ action… et cha, ch’est eune aute histoère… !

GEMEAUX, t’as t’ tiête in l’ air et te planes à 15.000, atterris pindant qu’i est incore timps ou te vas breuler tes ailes !

CANCER, te vas canger d’ invironn’mint et cha a l’air te t’ plaire… t’artreuves el’ sourire et t’es gramint plus biau à vire… !

I-est grand temps d’ grandir, LION, …pass’qu’ à forche d’ agir comme un éfant, te vas t’artreuver au coin aveuc tes mains su’ t’ tiête et te l’ aras bin mérité… !

VIERCHE, te devros pinser à faire des r’cherches généalogiques, ti, … Caches après tes racheines, pass’que souvint,  pour avincher, i faut savoèr ed’dù qu’in vient…

BALANCHE, t’ as des projets qui vont avincher… Mais n’ caches point à aller plus vite que ch’ violon, cha vara tout seul sins qu’te t’i attinde…

Evites de t’ mette in colère, SCORPION, ou té vas perde et’ n’ intind’mint et te vas aller drot dins ch’ mur… ! 

SAGITTAIRE, te devros arrêter d’ accater toute et n’importe quoè… Cha va rin t’ rapporter…  sauf equ’  tin banquier i va t’ querre déssus à bras raccourchis… !

CAPRICORNE, tout i roule pour tes affaires, mais mais y-a des m’noulles dins tin ménache…: j’s’ros d’ ti, j’ fros  profil bas in attindint qu’ cha passe … !

VERSEAU, te sorte d’une période difficile, ti, mais te vas arjonguir et r’prinde el’ déssus… que du biau in vue… !

Et pour finir, ti, PICHON, in cache et’ compagnie, et t’ bonne humeur alle va s’ répinde autour ed’ ti comme eune trinée d’ poude… cha va t’ ête agréape ed’ passer l’ jornée chi aveuc ti…

Allez, à d’main mes gins, toudis à l’ même heure, et,toudis sur France Bleu Nord bien seur…

Mots clés: