Replay du mardi 27 avril 2021

L'horoch'ti de ce mardi 27 avril

VIERCHE, laiches picher pis pinses à aut’ coss’…

José Ambre
José Ambre © Radio France

BELIER,  i n’a des autour ed’ ti qui c’minch’tent à t’ tapper sérieus’mint su’ l’ système… cha n’ va point aller tout drot tout l’ jour,  je l’ sints … !

TAUREAU, évites ed’ ram’ner l’ discussion su’ les affaires ed’ sous dins les r’pas d’ famill’… cha finit toudis in jus d’ boudin et d’ toutes façons, tertous i vont rester su’ lu positions… !

T’ es porté par l’ amour GEMEAUX… et ch’ est l’ momint d’ busier à des grands projets… t’ as tout tin temps, cha s’ra pour quand tertous i s’ ra vacciné… alorss… !

CANCER, i-est pét’ ête question d’ eune tiote héritance equ’ te n’ attindos point… mais bon, en’ t’imballes point non pus, cha n’ est pét’ête focque seul’mint quèqu’ fouffes qu’in t’a laichées…!

LION, t’ as l’ art et l’ manière de t’ faire aimer et te vas n’in profiter pour et’ placher… ha, te n’in loupes point eune ti, t’es un rude loulou…!

Quand qu’ te crains d’ avoèr mal, VIERCHE, t’ as déjà du mau d’ chou té crains… alorss laiches picher pis pinses à aut’ coss’… !

Té n’arrif’ point au bout d’ chou qu’ t’as invie d’ faire, BALANCHE ? Et bin soè pachient, te réssayeras d’ main, pis cor après d’ main si i faut, mais t’arriv’ras à tes fins …! 

T’ es vraimint par trop jaloux, SCORPION, … T’es même jaloux comme un viux tchien et t’as du mau à l’ mucher…fais un effort, sinon te vas tout perde… !

SAGITTAIRE, te fais fu des quate pattes mais te n’ sais point dù qu’ té vas… vaudrot miux aller moins vite et busier avant d’ partir, cha t’ évit’ra les fausses routes …!

Te prinds tes désirs pour des réalités, CAPRICORNE, et te t’imagines in route à grimper à mur aveuc des gins de t’ n’intourache… Si qu’ attrapes eune mornif’, té l’ aras méritée, ti… !

Si qu’ te n’ fais point attintion à tes doupes, VERSEAU, te vas tout drot à l’ faillite  et té n’ vas point t’in rél’ver… ach’t’heure equ’ te l’ sais, l’ balle alle est dins tin camp…!

 Et infin, PICHON, te ress’ su’ tes positions et y-a parsonne qui t’ féra canger d’ avis… bon ben, in est tertous prév’nus et cha s’ra comme t’as dit …

Mots clés: