Replay du mercredi 24 février 2021

L'horoch'ti de ce mercredi 24 février

Sous vous masque, gardez vous sourire, cha s’ verra focque in ravisant vos yus.

José Ambre
José Ambre © Radio France

O z’ ête irréprochapes, BELIER, et o z’ allez n’ ête récompinsés, … y-a  eune bonne seurpriss’ qui vous attind sous peu…que du bonheur… !

Soé contint de t’ situation, TAUREAU, comme i dijot min grand’père : Ch’ti qui sait s’ satisfaire, i-ara toudis sin nécessaire… !

Prête un monet miux attintion à chés gins qui t’ intour’tent, TAUREAU…Accoutes z’és et surtoute, arrêtes ed’ les saouler… 

Freume tin portabe, CANCER et parles à chés gins in face, y-a rien d’ tel que l’ contac’ humain… !

In ch’ momint, LION, t’ es agréape aveuc tout tin monde…Surtoute en’ canges rien, ch’est comm’ cha qu’in t’a querre…

VIERCHE, ch’ est eune soérée fort fort romintique qui t’ attind, ti, et cha va s’terminer fort fort bien… prinds des forches, pass’qu’i va falloèr en’ avoèr…cha va cauffer… !

BALANCHE, t’ as l’ impression d’ ête complèt’mint ercran, ti, et pourtant ch’est dins t’ tiête equ’ cha s’ passe… arrêtes ed’ busier et saque ed’ dins, cha ira miux… !

I faut dissiper les malintindus SCORPION… Mets tout par terre et fais l’ tri, t’arpartiras d’un bon pied… !

SAGITTAIRE, y-a un heureux évèn’mint qui t’ attind, ti…Alorss profites à fond… faut point laicher passer des momints comm’ cha… !

CAPRICORNE, y-a un ed’ tes proches qui a fait dins tes bottes, si j’ ose dire, Mais bon, Laiches querre et n’ t’importes point pour cha… i s’rot trop contint de t’ vire in colère… !

VERSEAU, si tin dos i t’ fait souffrir, méfies’te… Ch’est un cri d’ alerte… i-est grand temps d’ faire attintion à ti… !

Et infin, PICHON, l’ miux qu’ t’as à faire, ch’ est d’ rester naturel… Vu qu’ tertous in t’a querre comm’ cha,  cha n’ sert vraimint à rien d’ forcher tin ju…

Allez, à d’main mes gins, et sous vous masque, gardez vous sourire, cha s’ verra focque in ravisant vos yus… !

Mots clés: