L'horoch'ti de ce samedi 30 octobre

In ch’momint, BELIER, t’ attires el’ réussite comm’ un bout d’ chuque attire les mouques… et ch’est arparti pour un tour …!

In t’ cache des m’noules TAUREAU… Mais fais comm’ si rien n’i-étot …Jues l’ z’ indifférints, ch’ est cor cha qui les f’ra l’ plus bisquer …!

GEMEAUX, t’ as du fu dins les veines, mais point vraimint pour tin traval’, à m’ n’ avis qu’  cha pinch’rot plutôt côté sintimintal tout cha…!

T’ es sous les feux de la rampe CANCER, et te vas pouvoèr juer les vedettes,… In plus, biau comm’   t’ es, te vas faire des ravages … !  

Méfit’te ed’ chou qu’ in t’ propose LION, et assures-te qu’ cha n’ est point qu’ du vint … sinon… t’es vas t’ atreuver l’ biec dins l’ ieau… !

Si qu’ té t’ éstimes sous payé, VIERCHE, fais comprinte à tin patron equ’ té n’est point un esclaf’… Et si qu’ i t’ aug’minte point, t’ aras toudis l’ chomache… !

Tout va bien pour ti BALANCHE…Au programme du jour, ch’ est joyeus’tés et divertis’mints… bon, ben,y-a pire hein min loute …!

Cha roule pour ti SCORPION… Ech moral i-arvient et y-a rin qu’ du bon in vue…ch’est l’esstase … !

SAGITTAIRE, tin caractère i laiche à désirer et cha pourrot bin t’ juer des tours… à forche ed’ coper dins l’ vif, cha fini par saigner hénon …!

CAPRICORNE, chou equ’ t’ attinds ed’pus un momint i va t’ querre tout cuit dins l’ biec… armercies l’ destin, mi j’ y sus pour rien… !

VERSEAU, t’ esselles ed’ canger d’ look et ch’ est bien, mais bon…l’ habit n’ fait point l’ moine non pus… et sous l’ rhabillure, cha s’ra toudis l’ même babache qui s’ra là…Ch’  est cha qui faut canger … !

Et infin, ti, PICHON, t’ as peur de jech’ter à l’ ieau, et cha fait qu’ te pédalles dins l’ bardoulle…  Bon, bin, pour un Pichon, cha n’ est point fort hein… Et in va s’ moquer d’ ti…