Replay du vendredi 23 avril 2021

L'horoch'ti de ce vendredi 23 avril

Dès qu’in t parle ed’ sous, TAUREAU t’as tin nez qui frise...

José Ambre
José Ambre © Radio France

Esselles de n’ point trop inquiéter tes éfants, BELIER, pass’que si te lu racontes toutes les misères du monde, i z’ os’ront pus rin faire les pauf’ tiots …!

Dès qu’in t parle ed’ sous, TAUREAU t’as tin nez qui frise… A m’ n’ avis qu’i n’ farrot point trop insister de ch’ côté là aujord’hui, sinon cha risque ed’ teurner vilain …!

GEMEAUX, te vas  rincontrer des gins fort gentils et cha va bien s’ passer avec euss… Faut point grand’ cosse ed’ plus pour passer eune bonne jornée, hénon …?

Te vas tout faire aveuc gentillesse CANCER, mais n’attinds surtout point d’ reconnaissance… cha s’rot peine pardue …!

LION, té vas t’ moutrer garnd seigneur, aussi bien aveuc tes sintimints qu’ aveuc tes sous… Hé !, quand qu’on a querre, cha n’est point comme quand qu’on a point querre, hénon …?

Fais un tiot sourire, VIERCHE, ch’est comme cha qu’in t’a querre et ch’est comme cha aussi qu’ te 

t’ f’ra des vrais bons comarat’… !

BALANCHE, t’ as eune banse ed’ projets dins t’ tiête, ti…Acht’heure, y-a pus qu’à faire… à ti d’juer comarat …!

Et ti, SCORPOIN, faut qu’ té gardes tin calme et qu’ t’ attindes equ’ toute i rinte dins l’ orde… cha n’ sarot point tarder… !

SAGITTAIRE, t’es arcouvert par eune banse ed’ responsabilités qui c’mminch’tent à t’ péser … Té devros invoyer tout cha à l’ huche, te n’ t’ in port’ros qu’ miux …!

Et’ n’imagination alle fait mervell’ CAPRICORNE… Alorss, profites z’in pou’ noter tout chou qui t’as dins l’ tiête, cha pourra t’servir pou’ plus tard …!

T’ es vraimint par trop hargneux VERSEAU, mais fais  quand même attintion à chou qu’ té dis, cha pourrot bin dépasser tes pinsées …!

 Et pour finir, PICHON, les imberlificotaches amoureux et ti, cha fait deux…  Alorss, laiches querre tout cha, cha n’ t’ amèn’ra focque  des imbroulles …

Mots clés: