Replay du vendredi 19 février 2021

L'horoch'ti de José Ambre

- Mis à jour le

Gardez patienche et ardoublez d’ prudince, ch’ est l’ miux qu’ o z’avez à faire si qu’o voulez continuer à m’ acouter tous les matins...

José Ambre
José Ambre © Radio France

Pinses à profiter de ch’ week-en à vénir pour t’arposer, BELIER, … l’ sémaine qui vient alle va t’ête longue et durte … !

Et ti, TAUREAU, t’ as intérêt à t’ arsésir vite fait bien fait… Si qu’ te laiches déborder, te n’ vas point t’in sortir et te t’ armettras point… !…

Pour ti et pour aujord’hui, GEMEAUX, y-a un léger miux qui s’ laiche intrevoèr…. Mais intrevoèr seul’mint, hein, cheulle  porte alle n’est point cor grande ouverte… !

Ti, CANCER, si qu’ te saques ed’ dins, té peux pét’ête réussir et’ jornée…mais faut vraimint saquer d’dins, hein mi loute, faut point faire semblant… ! 

LION, t’ as comme l’ impression qu’ in t’ seurvelle et cha rind mal à l’aise… et cha, surtout’ quand qu’ t’es su’ l’ trône , et cha s’ comprind…!

VIERCHE, ch’ est toute et’ parsonne qui est in souffrance, in ch’ momint… Poses tin sac un momint, l’ temps d’ arprinde aleine et te verras qu’ cha t’ évit’ra bien des désagrémints… !

Pour ti BALANCHE, l’ infer, ch’ est tout t’ n’ intourache…Fais l’ tri dins tes comarats, i n’ i-a point focque des bons… !

Laiche querre el’ passé, SCORPION, et pinses à t’ arconstruire… Ravises pad’vant ti, ar’comminche à écrire eune nouvielle histoère et tout va s’arringer… !

SAGITTAIRE, un monet d’ avinture i t’ f’rot du bien, à ti, …Alorss laiches querre tes tiotes habitutes et fonce… du nouviau, ch’est cha qui t’ faut… !

CAPRICORNE, el’ méditation pourrot bien t’ ouvrir des nouvieaux quémins, à ti,…Mais bon, en’ t’indors point quand même su’ ch’ rôti ou t’n’es point arrivé au bout d’ tes peines… !

Busies avant d’ agir, VERSEAU, ou té pourros bin l’ argretter… Faut qu’ té prinches  tin temps si qu’ té veux pouvoèr faire au miux… !

Et infin, PICHON, en’ fais point à l’ z’autes chou qu’ té n’ voudrot point qu’ in t’ faiche… Te fais tout comme il a dit ch’ philosophe et te devros t’in sortir…

Allez, à d’main mes gins, gardez patienche et ardoublez d’ prudince, ch’ est l’ miux qu’ o z’avez à faire si qu’o voulez continuer à m’ acouter tous les matins…

Mots clés: