Replay du vendredi 26 février 2021

L'horoch'ti de José Ambre

Faites tout bien et tout ira bien… !

José Ambre
José Ambre © Radio France

Accoutes-me bien, BELIER, …Vif’ d’ amaour et d’ieau fraîque, cha n’ exixte equ’ dins les contes pour éfants… Te f’ros miux d’ garder tes pieds su’ tierre, ou té vas r’querre de haut… !

Et ti, TAUREAU, de devros arrêter ed’ boyer du noir ainsin, ti, et’ n’ av’nir i s’annonche bien, suffit d’ ête pachient… !

T’ es débordé d’ traval GEMEAUX ?… Gardes et’ tiête froède et pares au plus pressé, ou te vas bourler dins ch’ fossé… !

Chés vacances, si qu’ i n’ a, cha n’ est point cor pour tout d’ sute, CANCER…Alors arrêtes ed’ pinser au solel et à chés palmiers… et mets un pull ou te vas t’inrheumer… !

LION, ch’ ti qui vit sins folie, i n’ est point aussi sage qu’ il ne l’ croé… Laiches-te aller et vis plein’mint chou qu’i t’ dit tin cœur.. y-a qu’ du bon à n’in r’tirer… !

En’ point dormir tout tin saoul, VIERCHE, cha n’ te réussit point… Arrêtes ed’ faire des folies tout l’ nuit, si au traval te t’indors su’ l’ rôti, te vas avoèr des innuis …!

Surtoute, BALANCHE, en’ perds point l’ sins des réalités…Fais seul’mint chou qu’ té sais qu’ té peux faire, pour el’ ress’, laiches cha à chés vinteux et à chés jetteux d’ poudre aus yus… !

Ti, SCORPION, te vas  déborder d’amour tout l’ jour et, chou qui ne gache rien, te vas  avoèr du r’tour à t’in r’léquer les babines… !

En’ laiches point intasser chés paperasses SAGITTAIRE…. Mets-te à jour avant d’ête dins l’ brin jusqu’ in hiaut d’ tes z’orelles, cha t’évit’ra d’ête sourd avant l’ âche…!

CAPRICORNE, rin à siglaler d’ particulier pour aujord’hui…Alorss si qu’te sais et’ ténir et qu’ te 

n’ caches point d’imbroulles à parsonne, tout va baigner dins l’ jus… !

VERSEAU, te vas t’ ête admirés pour tin courache, et’ loyauté et t’ sincérité… Pour faire miux,

 i faut t’ ête au mois ch’ Bon Diu, et incore, j’in sus point si sûr… ! 

Et pour finir, PICHON, in t’ arproche d’ ête têtu et in a raison…tiens compte ed’ l’ avis de l’ z’autes et t’évit’ras les m’noulles…Bob, bin, sur ces bon consel’, j’ arteurne à jouque… 

Allez, à d’main mes gins, faites tout bien et tout ira bien… !

Mots clés: