Replay du mercredi 31 mars 2021

L'horoch'ti de mercredi 31 mars

Cha roule toudis pour ti Sagittaire.

José Ambre
José Ambre © Radio France

BELIER, t’ situation matérielle all’  devient un monet plus confortape, et ch’ est rassurant… Té vas pouvoèr dormir su’ tes deux z’orell’s …!

Grand momint amoureux TAUREAU,  et chou qu’ té vas dire i va t’ête fort fort important,… Dis toute et n’ muches rien… !

GEMEAUX, t’ as infin comprind qu’ i est parfois préférape ed’ freumer s’ bouque que d’ mal parler … déjà, pour ti, cha t’arpos’ra, et pou’ les z’autes, cha lu f’ra des vacances … !

Arrêtes ed’ rassasser des vieillés z’ histoères CANCER, … Laiches donc querre tout cha… ravises pad’vant ti et point par dirrère , cha t’ évit’ras d’ claquer tes loupes sur un bec de gaz… !

Y-a de l’ ieau dins l’ gaz, LION, et cha n’est point l’momint ed’ jechter de l’ huile su’ ch’ fu  ou té vas t’ breuler … ! 

VIERCHE, té pourros pét’ête bien arvire’ eune viell’ connaissance amoureuss’ , ti… Bon, bin,  ch’ est pét’ête aussi l’ momint d’ conclure, non… ?

In dirot qu’ t’ as du vague à l’ âme BALANCHE… mais bon, ress’ aveuc nous z’autes hein…  si qu’ te rattaques  eune déprime, te n’ es point sorti du brin min tiot … !

Alorss ti, SCORPION, pour ête actif, t’ es actif hein… te pètes el’ fu et y-a pus moyen ed’ t’arrêter…  A m’ n’ avis qu’ ch’ est l’ momint d’ rindre cha el’ pus rintape possipe min loute… !

SAGITTAIRE, cha roule toudis pour ti… mais cha n’ est point eune raison pou’ faire des follies non pus, ou in n’ va point te l’ pardonner… !

Pour ti, CAPRICORNE, ch’ est l’ momint d’ faire des affaires,… te tiens l’ bon bout…  Alorss en’ laches surtout point… !

VERSEAU, ch’ t’ eune bonne jornée pour ti t’ amuser ti … Alorss profites z’in, cha n’ séra point tous les jours parel… !

Et infin, ress’ prudint, PICHON,…  T’as des piaux d’ bananes sèmées tout du long d’ tin qu’min …alorss, fais attintion dù qu’ te mets tes pieds…Allez, à d’main mes gins, même heure, même antenne…

Mots clés: