Replay du mardi 23 février 2021

L'horoch'ti du mardi 23 février

Pour garder vous santé, n’obliez point d’ vous protéger.

José Ambre
José Ambre © Radio France

BELIER, t’ as des rêves un monet coquin, ti, in ch’ momint…Evites ed’ rêver  tout haut ou te vas attraper des baffes…

TAUREAU, i-est grand temps ed’ faire el’ point aveuc ti-même…Quand cha s’ra fait, te m’ appelles… in verra chou qu’ in peut faire pour ti…   

GEMEAUX, t’ as d’plus in plus d’ mau à t’ élver pour aller travailler, ti…Alorss ou qu’ te forches, ou qu’te pointe au chômache, mais si qu’ te fais cha, cha n’arring’ra point tes finances…   

CANCER, y-a des portes qui s’ euf’tent pour ti dins tin traval… Mais attintion aux éblouiss’mints … tout chou qui brille n’est point forchémint d’ l’ or… !  

LION, t’ as invie d’ miux organiser t’ façon de vif, ti…Mais bon, cha n’est point l’ première fos… et à m’ n’ avis qu’ cha n’est point non pus l’ dernière…   

VIERCHE, t’ as des idées noires qui gâch’tent et’ n’ existance, ti, …Alorss… ou qu’ te les r’peins in rose, ou qu’te vas vire un psy… mais au prix de l’ consultation, accates plutôt de l’ peinture… !   

Laiches faire le hasard BALANCHE, i n’ va t’ apporter focque equ’  des bonnes seurpriss’… !   

Notes bien cha quiqu’part SCORPION :  le nécessaire coûte peu, le superflu coûte très cher… Conjis tin camp comarat’… !   

SAGITTAIRE, t’ as intindu dire equ’ savoèr es’ continter d’ chou qu’in a, ch’ est ête riche…Mais te berlure point, chéllalles qui dit’tent cha, ch’est souvint chélalles qui sont pleins aux as… cha les arringe… !   

Deux nouvelles, CAPRICORNE, eune bonne et eune mauvaise…La bonne, ch’est qu’ t’as les bons numéros du lotto, la mauvaise, ch’est qu’ tas point été les juer… Allez, rigole, ch’ est eune blague… !   

Vis l’ instant présent VERSEAU…Quand qu’ t’es trop jonne i-est trop tôt, mais quand qu’ t’es trop viux, i-est trop tard…   

Et pour finir, PICHON, ch’ est fort bien d’ faire un bilan d’ santé ed’ timps in temps, mais n’oblies point non pus qu’ les gins qui font du cholestérol ou du diabète, ch’est aussi les gins qui font des analyss’…

Allez, à d’main mes gins, et pour garder vous santé, n’obliez point d’ vous protéger… !

Mots clés: