Replay du jeudi 25 février 2021

L'horoch'ti de José Ambre

Les bieaux jours arriv’tent, préparez vous calçons d’ bain…

José Ambre
José Ambre © Radio France

Contrair’mint à t’ n’ habitute, BELIER, te vas connaîte l’ échec….Mais comme i faut t’ête pris pour ête apprind, ch’est bon pour la suite des évèn’mints… !

TAUREAU, ch’ est toute et’ famill’ qui est in bisbroulle, ti, in ch’ momint… Prinds du r’cul et esselles ed’ comprinde avint d’intervénir, cha évit’ras les histoères… !

GEMEAU, cha n’ est point la pêche, ti, in ch’momint… Heureus’mint qu’ tes comarat’s i t’ donn’tent in cop d’ main… comme cha, cha  i parrait moinss… !

CANCER, te vas sauter à l’ clinche, vu qu’i-a l’ amour qui t’ donne un nouviau sins à ta vie… cha va cauffer dins les chaumières… !

Tout vient à point à qui sait attinde, LION… Cha sert à rin d’ mett’ el’ carrues avant les boeux, tin tour i n’ s’ra pus long à vénir… !

Bin quoé m’ tiote VIERCHE, valà chi qui t’ prind l’ invie ed’ sortir des sintiers battus, ti….Bon, bin, t’imballes point et laiches faire la nature… chou qui dot arriver i-arriv’ra… !

Dins t’ n’ ouvache,BALANCHE te fais preuf’ ed’ gramint trop d’ rigueur, et cha, cha va t’ rinde tell’mint pénipe equ’ si te continues ainsin, te vas  perde des comarats et gagner quèqu’ z’ ennemis !

Aujord’hui, SCORPION, y-a rin qui va t’ ête simpe… Point d’intinte possibe… en’ tintes rien ou te vas t’y casser les dints…

SAGITTAIRE,  el jornée chi alle risque d’ ête particulièr’mint houleuss’… Mets de l’iau dins tin vin ou cha va t’ête el’ brin….

CAPRICORNE, si qu’ in t’ cache des poux dins la tiête, fais-te tout pitit et attinds qu’ cha passe… 

i s’ lass’ront avant ti …!

Si qu’ t’ es  célibataire VERSEAUX , faut qu’ t’ attinde un momint avant de t’ lancer dins des nouvielles z’ avintures… ch’ cop d’ foudre i-est point cor pour aujord’hui… ni pour demain non pus d’ailleurs … faudra t’y faire… !

Et infin, pour ti ,PICHON l’ fin d’ l’ hiver a s’fait attinde…alorss pinses que ch’ printemps i-est pus long à vénir et cha t’ ardonn’ra du cœur au vinte… 

Allez, à d’main mes gins, les bieaux jours arriv’tent, préparez vous calçons d’ bain…

Mots clés: