Replay du vendredi 26 mars 2021

L'horoch'ti du vendredi 26 mars

- Mis à jour le

Respirez du vinte, tout l’ espace est à vous… et si qu’ t’as point d’attestation, n’oblies point quand même d’avoèr sur ti la preuf’ equ’ t’ habites bien ed’dù qu’ té restes.

José Ambre
José Ambre © Radio France

Té c’minches à dévénir par trop agressif, BELIER… Alorss calm’te et respire du vinte… Si qu’te t’ domines point, cha va faire du vilain… !

TAUREAU, t’ as Saturne qui veilles su’ l’ bon déroul’mint ed’ tes z’arlations sintimintales, ti… Et ch’est du grand bonheur in vue pour tout l’ jour… !

GEMEAUX, te t’ armets in question, et cha, surtoute du côté d’ tes amours… comm’ i dijot min grand’père, cang’mint d’herbache réjouit les viaux… !

Jongler intre s’ famill’ et sin traval, CANCER, cha n’ est point facile à faire…Et aujord’hui comarat’ te vas t’in rinde compte à tes dépens… !

LION, l’ jornée-chi alle annonche in artournemint d’ situation dins tin traval, …Mais point d’ panique, cha n’est point forchémint dins l’ mauvais sins… !

Aujord’hui, VIERCHE, t’ as eune rude bonne carte à juer… Alorss en’ tourniques point du cul comm’ pou’ faire dins eune boutelle, saques ed’ dins et vas drot au but… !

BALANCHE, tes plans i risqu’tent fort d’ ête un monet chamboullés… Mais cha va pét’ête et’ permett’ d’ête gramint plus efficace… ch’est bon à prinde, non …?

Prinds patienche, SCORPION… Y-a rin qui va mal… In t’as moutré l’quèmin à suif’ … Alorss ach’t’heure, à ti d’ juer, t’as pus qu’ à assurer …!

Te vas devoèr trancher SAGITTAIRE… Ch’ est à savoèr qui qu’ ch’est qu’ara l’ dernier mot, et cha n’est point gagné d’avinche… !

In dirot qu’ t’ es un monet jueux, CAPRICORNE, mais ress’ prudint quand même, te risques ed’ gagner, mais te pourros aussi tout perde, à ti d’ vire… !

VERSEAU, te treuves el’ temps long et t’attinds l’ fin de l’ sémaine-chi aveuc impatienche…Te fais point d’bile, cha n’est pus qu’ eune question d’ quèques z’heures et t’ y est …!

Et pour finir, PICHON, te rêves ed’ vif’ à chint à l’ heure… Et bin soè contint, te vas t’ ête servi… 

Allez, à d’main mes gins, et respirez du vinte, tout l’ espace est à vous… et si qu’ t’as point d’attestation, n’oblies point quand même d’avoèr sur ti la preuf’ equ’ t’ habites bien ed’dù qu’ té restes …!

Mots clés: