Replay du lundi 29 mars 2021

L'horoch'ti du lundi 29 mars

- Mis à jour le

Portez vous bien.

José Ambre
José Ambre © Radio France

Faut qu’ té ress’ sur la définsive, BELIER,  tout i va d’ travers et t’as intérêt à viser juss’ si qu’ té veux interprinde du nouviau… !

Même si qu’ t’as du fil à r’torde, en’ canges rin dins tin traval’, TAUREAU, …, vu qu’ t’es bien vu, ress’ comme cha et n’cange rin… !

Arrêtes de t’ confier à des babaches, GEMEAUX, pass’que cha pourrot bin s’ arteurner cont’ ti et faire des ravages dins t’ tiote vie… !

Evites ed’ sauter à l’ clinche pour ouai ou pour un non CANCER … Alorss un consel : fais point d’ vagues… Coucouche panier papattes in ronds… !

LION, tout i roule à mervelle dins tes amours et y-a focque des bonnes seuprises… Et tout cha pour tin pus grand bonheur… !

J’ t’ as déjà dis d’ ête pachiente, em’ tiote VIERCHE, et quand qu’ te suis chou que j’ te dis, cha va tout d’sute miux … alorss acoutes mon onque José, i-est toudis d’ bon consel’…!

BALANCHE, si qu’ t’ as des histoères ed’ famill’ qui t’ imbêt’tent, au liux ed’ t’ arsauver tout courant : Parles z’in …sinon, te n’in verra jomais l’ bout… !

SCORPION, te t’ as mis sur tin trente-et-un, mais point d’ bol pour ti… in n’ t’ a même point ravisé… arcomminches ed’main, t’aras peut ête plus ed’ chance… !

SAGITTAIRE, tin patron i voudrot des résultats tout d’ sute…Mais comm’ te n’ as point querre es’ façon de d’minder cha, te vas li dire chou qu’ t’in pinses… et cha va cauffer je l’ sints… !

 CAPRICORNE, te t’as mis dins eune histoère incruyape et t’ esselles ed’ tin sortir par tous les moyens, mais bon, fallot point t’ i met’ non pus, l’ prochain cop, busies avint que d’ t’ avinturer… !  

VERSEAU, y-a dins l’ air des projets intéressants, mais t’ n’es point assez sûr ed’ ti… Mais bon, te voès des problèmes dù qu’i n’a point… lances-te cha va rouler… !

Et infin, PICHON , y-a des bon mouv’mints dins tin ciel qui vont supprimer les tinsions…Et un tiot rayon d’ solel va t’ moutrer ch’ quémin à suif’… t’as pus qu’ a… Allez, à d’main mes gins et portez vous bien…

Mots clés: