Replay du mardi 30 mars 2021

L'horoch'ti de ce mardi 30 mars

- Mis à jour le

Y-a point d’ mau à s’faire du bien.

José Ambre
José Ambre © Radio France

Cha roule du côté d’ tes sous, BELIER…  Ch’est bien min loute, t’aras point d’ problème pou’ payer tes impôts… !

TAUREAU, in dirot qu’ t’ es bien noté, ti, in ch’momint, …Profites z’in pour ti t’ placher, ch’est l’ bon momint… !

GEMEAUX, t’ as eune énergie qui déborde ed’ partoute et des rincontes rimplies d’ joyeus’té… roulez manèches… !

Vas t’ pourméner au mitan d’chés bos CANCER…, in n’respire jomais assez l’ bon air … T’as toutes chés permissions, ch’ est marqué su’ t’ n’ attestation… !

LION, i faut résister à toutes chés avinches qu’ in t’ fait in ch’ momint… Pass’que si qu’ te t’imballes, te pourros bin querre dins un piège… !

VIERCHE, dis-te bien que t’ chance, alle ne dépind que d’ ti… i suffit simplemint d’y croire…!

BALANCHE, si qu’ te veux artreuver t’ n’ énergie, fais ch’ plein d’ vitamines, minges des oranges et des chitrons et tout va s’arringer… !

Si qu’ te treuves trop maigu’, SCORPION, minges plus riche, si qu’te t’ treuve trop gros, fais un tiot régime… ou incore te fais comme mi, j’ m’a querre comme ej’ sus et tant pis pour  ech’ ti qui n’est point contint …!

Libères tes émotions, SAGITTAIRE, respires du vinte et laiches-te aller, si qu’ te gardes tout pour ti te t’in sortira jomais… !

In dirot que l’ noèr i t’ fait peur CAPRICORNE… Si qu’ ch’ est comm’ cha,  laiches el’ leumière alleumée, comm’ cha, te vos chou qu’ te fais, … et aveuc qui qu’ te l’ fais… !

Te treuves equ’ te payes trop d’ impôts VERSEAU… ? Te fros miux d’ pinser à ch’ti qui n’in paye point… ch’est qui gagne vraimint point grand coss’…  infin,…du moins pour certains …!

Et infin, PICHON, si qu’ t’as l’ occasion d’ arprinde contac aveuc des viux comarats, en’ t’in prives point min loute, si cha rapporte point, cha fait toudis passer un bon momint, et y-a point d’ mau à s’faire du bien … 

Mots clés: