Replay du jeudi 1 avril 2021

L'horoch'ti du jeudi 1er avril

- Mis à jour le

Aujord’hui, 1er avril, ch’ est l’ jour des PICHONS.

José Ambre
José Ambre © Radio France

Aujord’hui, 1er avril, ch’ est l’ jour des PICHONS, et, exceptionnell’mint, in va c’mmincher par ti, min tiot PICHON, vu qu’ te fais justemint l’ affiche du jour : ti qu’ t’ attindos un grand bonheur pour ti ête plein’mint heureux… et ben ch’est fait à partir d’aujord’hui et pour un bon momint…

Bonne piocche pour ti aussi, BELIER, pass’ qu’ aujord’hui, tout i t’ es est possipe… joie d’ vif, sintimints, sous, et pis toute et pis toute… que du bonheur pour ti… !

Par conte, ti, TAUREAU, cha va t’ête dur de t’ faire comprinde… n’insiste point ou te vas faire pire equ’ bien… !

Alorss ti, GEMEAUX, t’ es détrerminé min loute, y-a rin ni parsonne qui va pouvoèr t’arrêter… te vas tracer tin qu’min sins dévier d’un pouche… !

CANCER, te t’ penche sur des viux projets, ti, mais bon, n’ te penches point par trop quand même… te pourros querre ed’ dins… !

A forche ed’ tout donner, LION, te vas t’ atreuver l’ cul nu… mais n’ oblies point ch’ dicton :  avril, en’ te découf’ point d’un fil… pinses z’y avant d’ attraper des ing’lures…!

VIERCHE, tout comme chés PICHONS et chés BELIER, t’ as chi pad’ vant ti eune jornée à marquer d’ eune pierre blanque…tout i roule pour ti… !

Prudince BALANCHE, … fais attintion à chou qu’ té dis et chou qu’ té fais… un faux pas et t’ es t’ es  débranqué… !

SCORPION, t’ as dins t’ tiête qu’ i s’ trame quit’coss’ derrière tin dos, mais cha n’est qu’eune impression… n’perds point tin temps aveuc cha et fonce… !

SAGITTAIRE, te vas prinde les choses in main et régler tout chou qui t’ imbête…Cha fait, te pourras avincher… !

    Moutes-te gramint plus motivé CAPRICORNE, plus qu’ in pourra compter sur ti, plus equ’ te s’ra in position ed’ t’ imposer… !     

Et infin, ti, VERSEAU, te t’ muches derrière et’ carapace in ch’ momint… Mais bon,  in t’a querre tel equ’ t’ es… fais te confiance et tout y va rouler

Mots clés: