Replay du jeudi 22 avril 2021

L'horoch'ti du jeudi 22 avril

- Mis à jour le

Ben quo BELIER, valà qu’ te perds tous tes moyens !

José Ambre
José Ambre © Radio France

Ben quo BELIER, valà qu’ te perds tous tes moyens, … T’es émotif comme cha ti ... Eh ben…A vire equ’ t’es gramint plus timide equ’ té n’a l’air… !

TAUREAU, tout i-est fait pour vidier t’ tiête ed’ tous les soucis qui s’ batillot’tent là d’dins… Cha va t’ête eune jornée d’repos ben méritée… !

GEMEAUX, cha fait un momint qu’ t’as laiché par dirrière ti tout l’ brin qui s’étot accumonch’lé …continues comme cha,… cha va aller d’miux in miux… !

CANCER, t’ avos dins l’ idée d’ inviter des gins de t’ famil’, mais te vas t’claquer l’ nez su’ quèques détal’ equ’ te vas avoèr du mau à éviter…confin’mint oblige…!

Au moins ti, LION, in peut dire equ’ l’amour, cha t’ réussit …  te rayonne et t’ es complèt’mint aux anches… ! 

VIERCHE, te n’ es point in phase aveuc et’ n’ intourache, et cha s’vot comme tin nez au mitant de t’ figure…!

Te tiens à tes comarat’s BALANCHE, et ch’ est normal… mais n’aies surtoute point peur ed’ lu faire savoèr combien te l’ z’a querre …!

Te t’ poses des questions sur tes amours, SCORPION, mais cha n’est point cor aujord’hui equ’ te vas treuver l’ réponse, faudra cor attinde…!

Pour ti, SAGITTAIRE, y-a quit’coss d’ héreux qui s’ prépare, mais avant qu’ cha n’arrif’, te vas passer par tous les mille diapes ...courache comarat’…!

Equ’ té l’ veuches ou non, CAPRICORNE, va falloèr equ’ te faiches chou qu’ in t’ dit d’ faire, …te n’aras point l’ choix, alorss, faura faire aveuc …!

VERSEAU, té vas archuvoèr gramint d’ amour, et pét’ête même incor plus equ’ cha…Et quand in n’ in n’ a point vraimint l’ habitute, quet’fos, cha peut faire peur…!

 Et pour finir, ti, PICHON, te prinds tout du bon côté et ch’est fort bien comme cha… Roule ma poule…Cha n’est point cor aujord’hui equ’ te va t’ête contrarié.

Mots clés: