L'horoch'ti du jeudi 29 avril

BELIER, t’ as quèqu’ soucis,  mais te gardes tout cha pour ti… Cha fait qu’ toute i est rintré et qu’ cha t’ ress’ su’ l’ estomac… si qu’ te n’ te détinds point, cha va t’ ête el’ brin mi j’ te l’ dis… !

I n’ y-a point un problème qui n’ treuve es’ solution, TAUREAU…  I suffit qu’ te raccroches à chés branques, equ’ te n’ lâches arien, y-a qu’ comm’ cha qu’ t’ arriv’ras à tes fins… !

T’as du pain su’ la planche, GEMEAUX… In t’in d’mande gramint et t’es toudis su’ l’ grill…Mais bon, cha veut dire aussi equ’ t’es l’meilleux et cha rassure …!

Armets’te in question CANCER… Oses faire chou qu’ t’as invie d’ faire ed’ pus qu’ t’ es tout pitit… et te verras qu’ ch’est cha la vrai vie… !

LION,  cha va pét’ête ronronner du côté d’ tes amours, mais à condition qu’ te faiches bin attintion de n’ point passer à côté… !

T’as grande invie ed’ t’ exprimer, VIERCHE… ? Alors laiches querre et’ timidité, t’ oses et te fonces, et’ n’avis i vaut autant que ch’ ti de l’ z’ autes… !

Busies avant d’ agir BALANCHE, et agis aveuc gramint d’ tact si qu’ té veux éviter les bis-broulles …!

Y-a de l’ dispute dins l’ air, SCORPION, alorss en’ ress’ point campé su’ tes positions… acoutes chés gins et mets de l’ ieau dins tin vin, cha t’évit’ras les imbroulles… !

Jornée sous pression SAGITTAIRE, alorss lèves el’ pied, respire du vinte et détinds-te… eune fos ch’ l’ orache passé, ch’ biau timps i-arviendra… !

Te n’ es point fort motivé, CAPRICORNE, et si qu’ te n’ vas point à l’ essintiel, et’ jornée all’ va ’ sinner longue min loute… !

VERSEAU, et’ soèrée alle s’ annonche miux que t’ jornée, ti, tous les imbroulles du jour alle s’ront passées et te pourras t’ arposer trinquill’mint …!

Et pour finir, fais un effort PICHON… Si qu’ te n’ ress’ point ouvert à l’ discussion, te pourros bin passer à côté d’ eune fort belle amitié…