Replay du vendredi 28 mai 2021

L'horoscope en Ch'ti de José Ambre

VIERCHE, ti aussi t’ as d’ z’ imprévus qui point’tent.

José Ambre
José Ambre © Radio France

BELIER, el’ bonheur i continue à t’ tinde les bras… et pét’ête bin qu’ cha va durer un momint…enfin, in verra cha d’main… Et si cha n’est point vrai, ch’ minteux i n’est pos long… !     

Aujord’hui, VERSEAU, te vas t’ ête fort rintapes et tout i va rouler pour ti… Profites pour prinde ed’ l’ avinche, cha n’ est jomais pardu… !  

TAUREAU, te mets d’ l’ orde dins tes affaires et cha n’avot bézon… un monet d’ plus d’ organisation, cha n’ té frot point d’ mau, à ti z’ aute… !   

Débarrasses- te tout d’ sute des urginces GEMEAUX… Et si cha peut t’ rassurer, cha s’ra vite fait, … Après,  te pourras profiter de t’ jornée comme te l’ intinds… !   

CANCER, te vas devoèr faire face à des imprévus, mais te vas bien t’ in sortir… Ch’ est vrai qu’ malin comme t’ es, cha n’ pouvot point in ête autermint… !…

Par conte, em’ tiote VIERCHE, ti aussi t’ as d’ z’ imprévus qui point’tent, mais te vas n’ avoèr des bonnes pour en’ n’ ête el’ maîte …!   

LION, l’ amour i t’ réserf’ quiqu’ seurpriss’…. Mais tiens-te su’ tes gardes, i n’a point qu’ des bonnes… !   

BALANCHE, t’ as des soucis aveuc et’ famill’  et cha t’ prind tout tin temps… Mais bon, eune chose à la fois et tout i s’ fèra… !   

SCORPION, l’ amour i c’mminche quand in connot miux l’ aute… Mais avant d’miux l’ connaîte, l’ aute,  i faut d’ abord c’mmincher par el’ rincontrer, et cha n’ est point cor prévu pour aujord’hui …!     

SAGITTAIRE, in dirot qu’ t’ as un tiot cop d’ mou, ti z’ aute…Faudrot pinser à t’ armett’ à niveau hein min loute, ou te cours tout drot à l’ catastrophe… !   

CAPRICORNE, v’là qui t’ prind comme eune invie d’ bricoler, ti,  aujord’hui…bon ben…fais comme t’ as invie… pindant ch’ temps là, au moins, té s’ras point au bistrot … ej’ devros dire : in terrasse bin seur…!    

Et infin, PICHON, te pourros bien t’ artreuver dins un indrot dù qu’ té n’ s’ras point fort à l’ aise, ti z’aute… Ach’ t’ heure equ’ t’es prév’nu,  fais attintion dù qu’ te mets tes pieds et t’évit’ras les imbroulles

Mots clés: