L'horoch'ti du jeudi 28 octobre

BELIER,  i s’ a passé eune cacoulle et te vas devoèr t’ espliquer… A m’ n’ avis qu’ cha va cauffer dur… !    

TAUREAU, tin passé i-armonte à l’ surface, et pour eune seurpriss, cha va t’ ête eune rud’ seurpriss’… Et cha va ’faire un choc comarat’ …!    

GEMEAUX, t’ a quiqu’ soucis d’ argint, mais cha n’ va point durer… min p’tit dogt i m’ dit qu’i-a des solutions qui sont in route à s’mette à plache…patienche… !   

Dins tin traval, CANCER, te t’ compliqueq gramint d’ trop l’ existince… Alors si qu’ te veux  t’ simplifier la vie, fais simple et t’ y treuvaras tin compte… !    

LION, y-a un bon coup in vue et te vas sauter d’ zeur comme un mort ed’ faim… Ah ti, t’ n’es point dins l’ cas de l’ laicher passer eune bonne occasion, hein min loute… !   

VIERCHE, t’ as invie d’ imbellir et’ mason, ti…Mais pour cha faut des sous… alorss avant d’ in dépinser, c’minches par in gagner… !   

BALANCHE, t’ es in route à armète les choses bien in plache et ch’ est fort bien… Cha n’ va point  s’ faire dins eune jornée, mais t’es bin parti pour equ’ cha avinche … !   

SCORPION, l’ aide promise a’ s’ fait attinde et  te finichos par pus y croire… bin détrompes-te, cha arrif’….comme quo tout n’es jomais pardu …!  

SAGITTAIRE, te vas bouillonner d’ bonnes idées tout l’ jour, et cha, grâce à l’exempe ed’ Vénus, qui, in titillant Mars dins s’ n’intimité, va li donner eune inspiration du fu du Diu du Bon Diu, et cha, cha t’ féra apprécier par tout t’ n’ intourache… !

Te vas t’ ête fort seurpris par eune visite imprévue CAPRICORNE, et cha va  mett’ du pimint dins  t’ jornée… Et à m’ n’avis qu’ cha n’ va point t’ête trisse… !  

In t’ propose quit’coss’ fort fort interéssant VERSEAU… El’ tout, ch’ est d’savoèr quand qu’ ch’est qu’ té vas n’ in profiter… et cha, cha n’est point mi qui va pouvoèr te l’ dire … !  

 Et infin, ti, PICHON, t’ as treuvé eune astuce pour aller plus vite dins tin traval, et vu tout   l’ temps qu’ te vas gagner, te vas t’ête libe un bon momint…profite pour et’ détinde…