Replay du dimanche 2 mai 2021

L'horoscope en Ch'ti du dimanche 2 mai

Arrêtes de t’ mucher derrière el’ z’ autes, CAPRICORNE !

José Ambre
José Ambre © Radio France

Tout va pour el’ miux pour ti, BELIER, t’ es plaché au premier rang pour ti réaliser un nouvieau projet… fonce min tiot, l’ av’nir est à ti… !

Quant à ti, TAUREAU, te n’ sais point chou qu’ té veux… Mais par conte, te sais fort bien chou qu’ té n’ veux point, ch’est d’jà un prumier pas… !

Aujord’hui, GEMEAUX, y-a un t’ sais-quo d’ imprévu qui pourrot bien moutrer sin nez… Laiches te porter, y-a qu’ du bon à n’ in r’tirer… !  

 CANCER, et’ valà chi coinché dins eune histoère ed’ fou, ti, …Mais bon, à vire equ’ te t’i as mis tout seul, dins ch’ l’ histoère-là….alorss acht’heure, fais in sorte ed’ t’ in sortir …!   

LION, te viens in aide à des gins in diffilculté et ch’ est bien… Mais n’ t’ attinds surtout point à  n’ artirer quit’ coss’… i n’ in ont point les moyens… !   

VIERCHE, busies un momint avant d’mett’ les pieds dins plat et d’éclabousser tout l’monde, y-a d’ z’ éclaboussures qui laich’tent des traces… !   

Attinds-te à eune douche froède, BALANCHE, prinds les d’vant…accate un parapluie…!   

Et ti, SCORPION, arrêtes ed’ mucher tes émotions…Té f’ros miux de t’ moutrer tel equ’ t’es, cha pass’rot miux…!   

SAGITTAIRE, t’ as querre aider les z’ autes, ti, et te voudros bien qu’in faiche parel’ pour ti… mais bernique, y-a point d’ ar’tour… !   

Arrêtes de t’ mucher derrière el’ z’ autes, CAPRICORNE, et’ n’avis i compte aussi min tiot… parles et in t’accout’ra …!  

Pour et’ suif’, VERSEAU, i faut s’’èl’ver d’ bonne heure …et même faire el’ chint mète in moins d’ 10 secondes… et cha, cha n’est point donné à tout l’ monde… !

Et infin, PICHON, t’ esselles ed’ maîtriser eune situaton qui t’ écappe complèt’mint, ti… Alorss quand qu’ ch’est comme cha, te fais comm’ mi : j’ prinds un raccourchi pour éviter ch’ problème, et j’ laiche tout cha derrière mi sans m’ artourner… et cha marche …

Mots clés: