Replay du dimanche 23 mai 2021

L'horoscope en Ch'ti du dimanche 23 mai

PICHON t’es fort capape d’ avoèr des idées originales.

José Ambre
José Ambre © Radio France

BELIER, y-a des émotions qui vien’tent perturber tes sintimints, ti… et cha fout l’ brin dins t’tiote tiête ed’ moniau….que dallache …!

TAUREAU, t’ n’ as point querre qu’in t’impose quèt’coss’, mais ch’cop chi, comarat’, té vas t’ête obligé ed’  t’incliner,  mi j’ te l’ dis …!

Ti, GEMEAUX, té vas t’ête inspiré su’ l’ plan artistique aujord’hui, …et ch’est dins ch’domaine là equ’ te vas t’ sintir el’ miux dins tes loques, té vas vire …!

CANCER, tin conjoint i n’fait foque à t’ titiller et cha c’mminche à bien faire… si qu’ i t’ cache, …i va t’ treuver roun-ti-diou… !

LION, t’ as des déplach’mints in vue, et cha s’ra aveuc des gins qu’ t’as querre, pour el’ meilleux, et point pour el’ pire …!

VIERCHE, en’ laiches point l’ déprime rintrer dins t’ tiote tiête ed’ mouchon… y-a point qu’ du mauvais dins la vie, y-a aussi du bon…. Alorss, prinds l’ bon et laiches querre el’ ress’ …!

BALANCHE, ch’est les loèsirs qui vont primer pour ti aujord’hui, tout cha aveuc des gins qu’ t’as querre, et cha va t’faire el’ pus grand bien …!

Attintion à ti, SCORPION, y-a quiqu’un qu’est in route à vouloèr et’ gruger… milles à ch’ treu, t’es prév’nu …!

SAGITTAIRE, té partiros bin à l’avinture, mais t’ n’as treuvé parsonne pour partir aveuc ti…. Mi j’ veux bien, mais point tout d’ sute… in n’ est point cor sorti complèt’mint d’ l’ auberche… !

CAPRICORNE, t’as eune tiête comme eune boulleusse N° 7 qu’alle bout pis qu’alle déborde… I s’rot grand temps de t’ canger les idées, ti, ou te vas nous faire un cop d’ calcaire …!

VERSEAU, té vas sur’mint t’ête invité par queuqu’un de t’ famill’ pour eune fiête ou eune réception … si qu’ tas rin d’aute à faire, coursz’y, mais n’ oblies point de t’ protéger… !

 Et infin, PICHON, ch’est l’momint d’ faire vire à tes gins qu’ t’as quet’coss’ dins l’ cibouleau et qu’ t’es fort capape d’ avoèr des idées originales… et te vas vire qu’ i vont t’ raviser d’un autr’ oeul.

Mots clés: