Replay du jeudi 27 mai 2021

L'horoscope en Ch'ti du jeudi 27 mai

I faut ténir el’ coup CANCER.

José Ambre
José Ambre © Radio France

Alors ti, Bélier,té vas chi avoèr des émotions qui vont t’ prinde là pis t’armonter jusqu’à là… et te vas n’in r’démander jusqu’à c’que té montes au 7ème ciel … bon voyache min loute …!

 T’ as un mauvais pressentiment TAUREAU, et pourtant, mi j’ te l’ dis : t’as tort… tout i va aller pour el’ miux dins l’ méilleux des mondes…!  

T’ es vraimint par trop radin GEMEAUX, …Au momint d’ payer, ringes et’ calculette … ed’ timps in temps cha s’fait d’inviter les z’autes …!

 I faut ténir el’ coup CANCER… Raccroche-te à chés branques…té n’ obtiendras rien si qu’ té   n’ saques point d’dins comme un éboeulé…!  

LION, t’as un grand bon momint qui t’ attind equ’ te vas n’in braire ed’ joie… armets-te, té in route à inonder le studio… !

Et ti, VIERCHE, té vas chi nous faire des choses qui vont vraimint en’ étonner queuqu’ z’uns… Même ti, té n’ vas point n’in rév’nir ed’ quo qu’ t’es capape…compte …!

En’ prinds point ed’ décision sur un cop d’ tiête BALANCHE… T’ es par trop nerveux et cha pourrot bin t’ juer des tours… !

SCORPION, en’ fait rin sins prinde consel autour ed’ ti… j’ sais bien qu’ chés conseilleux, cha n’ est point chés payeux, mais parfos, cha aide quand même… !

N’abuses point d’ trop des bonnes choses, SAGITTAIRE… Tin foie i pourrot bin te l’ rapp’ler et te pourrot amèr’mint l’ argretter… !

 Pour ti t’ artreuver aveuc tin conjoint, CAPRICORNE, treuves des choses à faire à deux…Par eximpe, te jues à : « si j’ t’attrape je te… »…Te m’ as comprinds ou j’ dos t’ espliquer… !  

Dins la vie, VERSEAU, in n’ fait point chou qu’ in veut…Mais par conte, in est responsape ed’ chou qu’in fait….

 Et infin ti, min pitit PICHON, évites de t’ mêler des affaires des autes…Déjà qu’ t’arrif’ point à t’occuper des tiennes, n’in rajoutes point min loute …

Mots clés: