Replay du lundi 24 mai 2021

L'horoscope en Ch'ti du lundi 24 mai

BELIER, t’ es à bout d’ nerfs, ti !

José Ambre
José Ambre © Radio France

BELIER, t’ es à bout d’ nerfs, ti,  et  si in s’ met in travers ed’ tin qu’min, te vas piquer eune colère du diape…. Calm’ te hein, ou te vas taper sur tout chou qui ar’mue et cha va faire désorde …!

TAUREAU, tes projets i sont in route à piétiner, ti, mais t’as des bons comarats qui vont t’ vénir in aide et cha va s’arringer… !

Cheulle fin du mos a s’f aire attinde GEMEAUX, … Allez min loute, tiens bon, pus qu’ eune sémaine et ch’ est fait… !

T’as eu deux jours pour t’ arposer CANCER, t’as profité pour archarger tes batteries et t’as eu raison, l’ sémaine-chi pourrot bin ête fort fort mouv’mintée …!

LION, t’ es in passe ed’ tout réussir, mais à eune condition…  ch’est tout simplemint de l’ vouloèr… et cha n’est point gagné d’ avinche …!

VIERCHE, t’ as résolu eune viell’ histoère d’ argint qui traînot d’pus fort lontimps…, acht’heure, te sais dù qu’ té vas et té peux dormir su’ tes deux z’orelles …!

BALANCHE, t’ as chés étoèles aveuc ti et cha va t’ donner eune chance du diu du fu du bon diu…ch’est l’ momint d’risquer…y-a rin qui peut s’ mett’ in travers ed’ tin qu’min …!

T’ es amoureux SCORPION… Cha t’prind là,  pis cha t’armonte jusque là… Attintion à ti quand même, si qu’ té n’ pinses pus qu’ à cha, té n’ f’ras pus rin d’ bon à côté non pus… !

Ch’ est tout bon pour ti SAGITTAIRE,  t’ as l’ cœur à rire et invie d’ t’ amuser… Prinds quand même des précautions, in n’ est point cor sorti du brin… !

Si qu’ t’ as invie d’ viv’ miux, CAPRICORNE, d’minde c’mmint qu’i font à tin député ou tin sénateur, j’ n’ in connos point un qui est dins la misère …!

Apprinds à gérer tes émotions VERSEAU… Respire du vinte et compte jusqu’à mille… quand qu’ t’aras fini, t’ara oblié pourquo qu’ t’étouffe… !

 ET pour finir, PICHON, in n’ comprind rin à chou qu’ té dis… Fais comme mi : parle simple, et te verras qu’ tertous i va t’ comprinde.

Mots clés: