Replay du lundi 31 mai 2021

L'horoscope en ch'ti du lundi 31 mai

BALANCHE, in t’fait des propositions alléchantes.

José Ambre
José Ambre © Radio France

Ch’est chi incore un jour où tout i va t’ réussir BELIER, té peut t’ lancher tiête abachée dins n’importe quo, tout i va rouler comme su’ des roulettes, fonces min tiot …!

TAUREAU, t’as mis dins t’ tiête ed’ mett’ in peu d’orde dins tes comptes et t’as raison… in t’ dot des sous et i-est temps d’les faire rintrer ou i vont t’ête pardus à jomais …!

Aujord’hui GEMEAUX,  t’as eune forche ed’ persuation faramineuss’… té f’ros printe des étrons pour des chuques ed’ régliche…si qu’ t’as des idées à faire passer, ch’ est l’jour où jamais …!

Te t’ sints coinché CANCER, te n’ treuves point l’ bout pour t’ in sortir et cha t’ rind mal-agréape Va vite acater un sourire, in rind plus facil’mint service à quiqu’un qu’est av’nant qu’à un crignu …!

LION, y-a un heureux évèn’mint qui s’ prépare dins t’ famill’ et cha t’ rind tout gait’ gait’… du coup, te vas faire tout chou qui faut pour equ’ cha s’ passe au miux… !

VIERCHE, y-a d’ z’imbroulles in vue aveuc les gins qui traval’tent aveuc ti … te t’ méfies ed’ tout l’ monde et ch’ l’ambiance alle bat d’ l’aile… Attinds qu’ cha passe ou te vas tout faire essploser …!

BALANCHE, in t’fait des propositions alléchantes et t’es prêt à sauter d’sus comm’ un chômeur sur un billet d’ lotto gagnant… prinds des rinseign’mints, i-est toudis temps pour es’faire avoèr…! 

En’ te laiches point marcher su’ les pieds SCORPION, i n’a qui ont mis dins leu tiête de t’ prinde pour un innochint, mais si te sais t’y prinde, i z’in s’ront pour leus frais …!

SAGITTAIRE, si qu’ t’attinds eune réponse pour eune question d’ justice, attinds-te à n’ ête pou’ tes frais… mais bon, t’as t’ conscienche pour ti et ch’est l’ principal …!

CAPRICORNE, cha n’est pét’ête point l’momint d’ juer à placher d’ l’ argint… incore faut’i qu’ te n’euches  à placher,….et rien n’ est moins sûr… !

VERSEAU, t’es in route à faire machine arrière pour ti récupérer chou qui est à ti… mais bon,..n’ fais surtout point d’ sintimints hein…, t’as l’ drot pour ti , fais le valoèr …!

Et infin, cha n’ est point tin jour ed’ chance PICHON, alors payes tin parmètre et n’ traverses point in déhors ed’ chés cleus ou cha va t ’arquèche su’ tin nez.

Mots clés: