Replay du mardi 22 juin 2021

L'horoscope en Ch'ti du mardi 22 juin

Taureau, y-a souvint eune rude différince intre l’ vérité et chou qu’ in voè vraimint min tiot..

José Ambre
José Ambre © Radio France

Te fais des caprices, BELIER, et, forchémint,  cha agace tout t’ n’ intourache…Arrête ed’ faire l’ éfant, à t’ n’age, cha n’ fait pus rire parsonne… !

TAUREAU, y-a souvint eune rude différince intre l’ vérité et chou qu’ in voè vraimint min tiot, alorss lis intar-deux chés lignes et cache à faire el’ part du vrai, si qu’ t’ y arrif’, t’ in sortira gagnant… !

GEMEAUX, les jours i s’ suif’tent et i sont toudis parels… A ti d’ mett’ un monet d’ pimint dins tout cha, ou cha n’ va point t’ête drôle à vif’ pour ti …!

 Ti, CANCER, et parel pour ti, BALANCHE, o z’ êtes énervés par cheulle mauvaise ambiance qui règne autour ed’ vous z’ autes, mais bon, fait’tent comm’ si qu’os n’ voyez rien,  os z’aller vire equ’ du coup, ch’est les z’autes qui vont s’ treuver tout bête …!    

Te minques d’ affection, LION, et j’in parle in connaissance ed’ cause… D’ailleurs, si, qu’ par hasard,  i- arot quiqu’un qui voudrot bien s’ intérésser à mi, ej’ sus preneur… !   

Toutes chés belles paroles, VIERCHE, cha n’ sert à rin…Alorss te prinds les affaires in mains et  t’ agis, ch’est l’ miux qu’ t’as à faire… !   

En’ prinds point toute au pied d’ la lettre SCORPION… Si qu’in t’fais des r’proches, ch’est pét’ête pour tin bien, point pour t’ indéver …!  

SAGITTAIRE, te sints monter l’ pression ti z’ aute… Et t’ n’ arrif’ point à t’ dominer… cha s’rot bien pour ti d’arriver à t’ calmer, sinon, gare à chés éclaboussures… !   

Eune jornée sins saveur ni odeur CAPRICORNE, et pét’ête même un tiot cop d’ fatigue su’ l’ soèrée,  mais bon, comme cha s’ra l’ momint d’ aller au lit, y-a rin qui va mal… !   

T’ es à peu près bien dins s’pieau,VERSEAU, et te vas t’ in tirer à bon compte, mais cha s’ra tout juss’… !    

Et pour finir, PICHON, ch’est le momint ed’ faire el’ bilan de t’ relation in cours, min tiot…Alorss    n’ hésites point à tout mett’ à plat… Cha vous aid’ra pét’ête à arpartir d’ un bon pied …

Mots clés: