Replay du mardi 25 mai 2021

L'horoscope en Ch'ti du mardi 25 mai

T’ as eune fin d’ moè difficile, TAUREAU

José Ambre
José Ambre © Radio France

BELIER, t’es dins ch’ train du bonheur aveuc tes amours, ti… En’ déchind point in marche, sinon te vas tout perde… !   

T’ as eune fin d’ moè difficile, TAUREAU, et te n’ es point l’ seul, mais bon, te f’ras comme el’ z’autes,  te t’ rattrap’ras su’ l’ mos qui vient et pis v’là toute …!  

GEMEAUX, te vas prinde du bon temps et t’ as raison, vu qu’ ch’ est bien connu : i-a point d’ mau à s’ faire du bien …!

Tout i va aller comme te l’ avos prévu CANCER … Alorss quo d’minder d’ plus , ej’ te l’ deminde… !

Et ch’est parel’ pour ti, LION, t’ as tout pour ête héreux…profites z’in… tout chou qui est prind i-est pus à prinde …!

Et pour ti, VIERCHE, tout i roule, tout i débaroulle… te n’ dénot’ras point aveuc tous les tiots bradés qu’ in a aujord’hui…

Parel pour ti, BALANCHE, ch’ est eune jornée haute in couleur ou tout i va t’ réussir… !  

Et chés tout bon aussi pour chés SCORPIONS qui vont s’ laicher importer par eune folle ambiance ed’ gaîté et d’amus’mint …!

Par conte, pour ti, SAGITTAIRE, cha n’ es point l’ jour pour les sintimints… Caches aut’ coss’ à faire equ’ des z’ amiclotaches, sinon, té vas t’ casser les dints …!

Fais un effort aveuc et’ belle famille CAPRICORNE… Chés belles-mères, alles se ramintuv’tent jamais qu’ alles z’ont été belles-filles… et cha fait longtimps qu’ cha dure …!

T’ as bézon d’ arprinde des forces VERSEAU, alorss sos raisonape, eune fos dins t’ vie,.. et te verras qu’ après, cha va arpartir à chint à l’ heures …!

 Et pour finir, ti, PICHON, te débordes ed’ courache, mais comme d’ habitute, ch’ est toudis pour el’ z’autes… gardes z’in un monet pour ti, cha pourra t’ servir pou’ la suite.

Mots clés: