Replay du mercredi 23 juin 2021

L'horoscope en Ch'ti du mercredi 23 juin

Pinses à faire quiqu’ travaux dins t’ mason Gémeaux...

José Ambre
José Ambre © Radio France

Prins garde à tout chou qu’ t’ avales BELIER,…A forche ed’ minger n’importe commint et n’ importé quo, i pourrot bin t’ prinde eune colique tourmintée à t’in coper les pattes …!   

Bin quo TAUREAU, v’là qu’ té n’ te sints point à la hauteur min tiot…Arrêtes… !  Cha n’ est qu’ eune impression… et prinds te par les cornes,et te vas t’in sortir grandi … !   

Pinses à faire quiqu’ travaux dins t’ mason GEMEAUX… In monet d’ cang’mint cha t’ f’rot du bien, et pis in plus, cha t’occup’ra … !  

 Té vas t’ moutrer sous tin plus bieau jour CANCER, … Pour eune fos, té t’occup’ra des misères de  l’ z’ autes et te n’ pins’ras point foque à ti …!   

LION, te vas essploser d’ joie in arvoyant des comarats pardus d’ vue d’pus fort longtimps… Gare aux éclats… de  rires, bin seur… !   

VIERCHE, te ress’ su’ tes réserf’s alorss equ’ te pourros fort bien t’ laicher aller… t’es vraimint par trop timit’, ti … Faut t’ te canges ou in va s’ moquer d’ ti… !   

L’ été est source d’ inspiration BALANCHE, et cha t’ donne l’ invie ed’  moutrer tin sens pictural…Comme i dit’tent chés artiss’… Cha qué bien, j’ a m’ cuisine à r’peindre, cha pourra pé t’ ête t’ faire connaîte …!

L’ av’nir, SCORPION, cha n’ est jomais equ’ du présint à r’mett’ in orde…Tout cha pour dire qu’in  ch’ momint, ch’est l’ brin dins tes affaires et qu’i est grand temps qu’ té t’y mette si qu’ té veux t’in sortir…     

Pour ti, SAGITTAIRE, cha s’ra l’biau fixe tout l’ jour … Et tout parel’ pour et’ n’ intourache… !    

Et ti, CAPRICORNE, t’ es tell’mint charmeurs equ’ te vas faire querre in pamoisons tout chou qui bouge autour ed’ ti… !   

Alorss ti, VERSEAU, te n’ arnonches jomais, et cha va t’ permett’ ed’ rimporter eune grande batalle… !   

Et pour finir, PICHON, t’ es tell’mint bon dins tout chou qu’ té fais qu’ té pourros bin avoèr ed’   l’ avinch’mint.

Mots clés: