Replay du mercredi 26 mai 2021

L'horoscope en Ch'ti du mercredi 26 mai

Arrêtes ed’ passer tout tin temps sur et’ n’ internenette GEMEAUX

José Ambre
José Ambre © Radio France

Té dos accepter t’ n’ age BELIER …Et cha, ch’est facile… un eximpe au hasard pour les gins qui comme mi sont in fin d’ carrière :  si te t’ élièf’ au matin et qu’ t’as d’ mau nulle part, ch’ est qu’ t’es mort… !

T’es trop dur TAUREAU, et cha même aveuc ti-même… lâches du mou ou in plus ed’ faire souffrir el’ z’ autes, ti aussi té vas souffrir… !

Arrêtes ed’ passer tout tin temps sur et’ n’ internenette GEMEAUX, … Laiches tin mulot dins s’ guéiolle et freume et’ n’ordinateur, ou te vas teurner sot …!

Cha n’ set à rin d’ foncer ti^te abachée pour arvènir après in arrière CANCER… Busies dins t’ tiête avant de c’mmincher quit’ coss’,  te gagn’ras et du timps, et d’ l’ argint… !

Faut qu’ te mettes les points sur les z’ i LION, quitte à aller drot à l’ rupture… mais rassures-te, cha n’est point forchémint in amour… cha s’rot plutôt dins les affaires … ch’ est moins graff’…!

T’ armets tout in question VIERCHE… mais te devros prinde tin temps… ou té vas foute in l’air tout chou qu’ t’as bâti d’pus des années… et cha n’est point l’ but ed’ l’ affaire…!

Pour ti, BALANCHE, l’ première vérité, ch’ est celle ed’ tout dire…  Ch’est vrai, mais… mets z’y quand même les formes, ou té n’ vas t’ compliquer la vie …!

Discuter, SCORPION, cha n’ est point forchémint prinde el’ dessus su’ l’ aute… Cha sert surtoute à s’ comprinde et à s’esspliquer, mets cha dins t’ tiête et te vas avincher …!

T’as grand bézon de t’ défouler SAGITTAIRE, alorss vas courir dins ch’ bos, cha t’évit’ras d’ buquer sur tout chou qu’i r’mue… n’oblie quand même point l’ heure, y-a cor un couvre feu… !

Ti, CAPRICORNE, comme pour ti, VERSEAU, o z’ êtes tous les deux plongés dins les rêves… Os f’rot’tent bin d’ vous réveiller vite fait, ou os z’allez t’ête vite dépassés par les évèn’mints …!

Et pour finir, PICHON, si qu’ te fais eune over-dose ed’ télétraval’, prinds quiqu’ jours ed’ congés et canges-te les idées, quand qu’ té r’varas, cha s’ra passé et te pourras artourner à t’ boutique…

Mots clés: