Replay du samedi 22 mai 2021

L'horoscope en Ch'ti du samedi 22 mai

VERSEAU, et’ n’ humeur alle arvient

José Ambre
José Ambre © Radio France

BELIER, te vas t’arteuver bloqué dins t’ volonté d’ bien faire et cha va t’artourner les sangs pou’ tout l’jour… laiches querre, cha n’ in vaut point les peines… !

TAUREAU, t’es allé jusqu’au fin fond d’ tes limites… alorss si qu’te pète eune durite, n’sos point étonné et n’ viens point ichi t’ plainde …!

GEMEAUX, tertous i salue t’ n’ esprit d’ initiatif’ et d’interpriss’… mais y-a quand même des mauvaiss’ langues qui dittent equ’ cha n’va point durer…. Fais leu vire ed’ quo qu’ t’es capape et cha leu rabattra lu caquet… !

CANCER, ch’ t’eune jornée à contre temps qui t’attind, ti,…mais si qu’té sais gérer cha sins t’ énerver, tout i s’ pass’ra bien, te vas vire …!

Ti, LION, te vas profiter qu’ té peux arsortir pour visiter un indrot esstraordinaire equ’ te vas n’in rester biec-bot… Mais bon, armets-te, te n’in verras cor d’autes, innochint … !

VIERCHE,te prépares un grand momint aveuc et’ famill’ et j’ vos déjà d’ ichi qu’ cha va tête eune réussite parfaite…T’as prévu des masques… ? Bravo min loute …!

BALANCHE,t’es complèt’mint épuisé par tout chou qu’ t’as à faire et tin moral i n’ suit point… courache min tiot, l’ sémaine prochaine cha ira miux …!

SCORPION, té pourros bin t’artreuver dins eune ambiance ed’ guinsse aveuc des viux comarats à ti… mais n’ prinds point trop d’ risques quand même… l’ prudince ch’ est l’ manman de l’ sûr’té… !

Hou là, SAGITTAIRE, te pètes el’ fu et t’ as d’ énergie à r’vinde, ti… Alors, dépinses-te, téléphone, perches un treu mais fais quèt’coss’, sinon, chés soupapes alles vont voler … !

CAPRICORNE, t’es in plein dins ch’camp d’ soèl et faudra cor attinde un momint pour ti t’in sortir… patienche, tout i vient à point à qui sait t’ attinde …!

VERSEAU, y-a quiqu’un proche ed’ ti qui s’armet tout duch’mint et qui va s’in sortir… du coup, et’ n’ humeur alle arvient au biau fixe …!

 Et infin, PICHON, t’as un allant et un moral du diape ti, et cha t’ donne des ailes….Mais bon, n’ vas point trop haut quand même,  pinses à Icare, cha li a jué des tours

Mots clés: