Replay du samedi 29 mai 2021

L'horoscope en ch'ti du samedi 29 mai

In te d’minde des comptes BALANCHE.

José Ambre
José Ambre © Radio France

Cha continue pour ti BELIER,  t’ es vraimint dins eune bonne passe, alorss profites ed’ la vie, ch’ est l’ miux qu’ t’ as à faire in ch’ momint… !

TAUREAU, te n’ es point vraimint satisfait ed’ chou qu’ t’ es in route à faire, et ch’ est bien fait pour ti….T’ avos  qu’ à miux préparer tin coup … !

Et…. ch’est du parel au même pour ti, CANCER… Si qu’ te t’ avos miux préparé, tout chou qu’ t’ avos prévu i n’ s’rot point queu à l’ ieau… !

GEMEAUX, té devros asseyer ed’ t’ inscrire à un groupe ed parole min tiot… Cha t’ permettros ed’ pouvoèr miux t’ essprimer, et donc, de t’ faire miux comprinde…T’ as tout comprinds ou j’ arcomminche… ?

Attintion, LION, el’ passion, cha a des limites…Té n’ peux point passer t’ vie à sauter à l’ clinche, y-a un momint dù qu’i faut savoèr es’ ringer min loute …!

VIERCHE, ch’ est tout bon pour ti et tes proches… O pouvez tertous aborder l’ av’nir fins bénaches … tout i roule tout i débaroule… !

In te d’minde des comptes BALANCHE, et à m’ n’ avis qu’ te n’ a point fort querre cha … Te vas réponde par el’ mépris el’ pus total …!

 T’ es cyclothymique SCORPION, et cha n’a rin à vire aveuc el’ vélo… cha veut dire qu’ un cop t’es tout in hiaut, et un cop t’es tout in bas et ch’ est mauvais pour tin moral tout cha…!  

Youpi SAGITTAIRE… ! Tin ciel i s’ éclaichit et cha t ’promet du biau temps pour les jours à vénir… !

Te fais eune over-dose ed’ la ville CAPRICORNE… ?…Viens vite à m’ mason, y-a du grand air,  j’a min gardin à biner et eune banse d’ arbraquettes qui n’ démand’tent qu’ à treuver preneurs…!

Te t’ laisses aller VERSEAU… Va falloèr vérifier chés compressions et réparer chés manomètes… un tiot contrôle ed’ routine et cha va r’péter l’fu…!

 Et pour finir, ti PICHON, té voès infin arriver l’ fruit ed’ tes z’efforts et cha t’ rassure… Ch’ est vrai qu’ ch’ est long quand on attind… mais quand cha arrif’, cha fait du bien 

Mots clés: