Replay du vendredi 30 avril 2021

L'horoscope en Ch'ti du vendredi 30 avril

SCORPION, te mets tell’mint d’ cœur à l’ ouvrache equ’ te vas crouler sous les complimints…

José Ambre
José Ambre © Radio France

BELIER, te vas moutrer l’ eximpe et te vas apprinde tout chou qu’ te sais à l’ z’ autes…bravo min loute, au moins, ti te fais passer l’ bonne parole… !

Ch’ est eune rude fin d’ sémaine qui t’ attind, TAUREAU, et te n’ sais pus par quel bout l’ prinde …Esselles ed’ t’organiser, babache ou te vas drot dins ch’mur… !

GEMEAUX, in t’ apelle ed’ tous les côtés et t’ n’ aras jomais l’ temps d’ réponde à tout l’ monde, mais bon, t ’n’ es point tout seul su’ tierre non pus, i n’a d’ autes qui peut’tent donner un cop d’main, Non ?

CANCER, te vas t’ ête  tout l’ jour et de loin l’ meilleux dins tout chou qu’ te vas  interprinde…Ch’ est tout bon pour ti min loute… !

Tin patron i t’ fais vire qu’ i-a  confiance in ti, LION, … Ch’est pét’ête el’ momint de d’minder eune tiote augmintation, vas t-in vire … !

In amour, VIERCHE, cha ré-parti à fond les manettes dins du nouvieau… Mais cha n’est point forchémint in cangeant d’ partenaire… in tous les cas, cha va r’sauter à l’ clinche …!

T’ as invie d’ arprinde et’ liberté, BALANCHE… Bon, bin, in dit toudis equ’ cang’mint d’ herbage réjouit les viaux… mais intre nous,  j’espère pour ti qu’ t’as fais l’ bon choix… !

SCORPION, te mets tell’mint d’ cœur à l’ ouvrache equ’ te vas crouler sous les complimints… Du coup, te vas t’ ardrècher comme un vrai co bâtillard… !

T’ as l’ argint qui t’ file intra les dogts SAGITTAIRE… Alorss serres les poings et arclipe tout chou qu’ té peux, ou t’ fin d’ mos alle va t’ête difficile …!

Indirot qu’ té deviens sage, CAPRICORNE, te prinds tout aveuc philosophie à n’ in pus t’ arconnaîte … Ch’ est vraimint ti ou te nous jues eune pièche ed’ théâte… ?

VERSEAU, te vas passer un rud’ bon momint aveuc des gins qu’ t’ as vraimint fort querre… Gardes quand même tes distinces…in n’ sait jomais… !

 Et infin, pour ti, PICHON, ch’est toudis parel’, et te noros dins un verre ed’ bière… ! Heureus’mint qu’ t’as des gins autour ed’ ti pou’ t’assister, sinon té s’ros vite pardu …

Mots clés: