Replay du dimanche 28 février 2021

Votre horoch'ti de ce dimanche

Tant qu’ i-ara d’ la vie y-ara d’ l’ espoir !

José Ambre
José Ambre © Radio France

TI, BELIER, va falloèr armuer tes puches, hein,  cha n’ est point à rester à bailler aux cornall’s equ’ té vas arriver à faire tout chou qu’ t’avos prévu d’ faire,… innochint….!

TAUREAU, te  vas t’ ête ed’ bonne humeur tout l’ jour et cha va s’ trinsmett’ à tout t’ intourache

… Grand momint d’allégresse au mitant du brin ambiant… !

GEMEAUX, in dirot qu’ artreuves du tonus, ti, …Mais cha n’est point eune raison non pus pour faire n’importé quoé, …Utilises cha à propos et tout ira fort bien …!

CANCER, in dirot eune pile électrique, ti ach’ matin, …En’ fais rien d’ important aujord’hui, ou te vas faire sauter chés plombs… !

Ch’ est l’ momint d’ rugir, LION, …Arrêtes de t’ mucher, sort’ tes griffes et fais vire qui qu’ ch’ est qu’ t’es… ou ch’ est ti qui s’ra mingé… !

VIERCHE, te t’ attaques à un ouvrache gramint plus dur equ’ prévu, mais aveuc du temps et connaissant t’ patienche,  j’ sus sûr equ’ t’in varras à bout,… courache !!!

Du calme BALANCE…mets un cop d’ frein su’ t’ n’impatienche… Cha n’est point in sautant sur tout chou qui armue equ’ te vas arriver à tes fins… !

SCORPION, t’as des occasions qui s’ présint’tent, mais te n’sais point vraimint t’ingager sérieus’mint,… et cha, cha n’ plait point à tout l’mond’ …!

SAGITTAIRE,faur ajouter un grain d’ sagesse à tin caratère fougueux, min loute… Tout comm’ chés Balanches, calm’ te et tout ira au miux…

CAPRICORNE, y-a des viellé z’ hitoère qui rest’tent à la traîne, alorss profites que ch’ week-en chi n’est point trop carqué…  et saques ed’dins !! 

Sot par moins pet-sec, VERSEAU, cange d’ attitude et te verras qu’ in arcomminchra à t’ faire des sourires… !

Et infin, PICHON, serts te ed’ tin sins de l’ justice, cré vain Diou…Cha t’ permettra d’aringer bin des imbroulles dins tin traval, te verras … 

Allez, à d’main mes gins, et si qu’ ch’ est l’ darnière fois que vuus dis cha in février 2021, n’ayez point peur i n’ ara d’aute …fevrier 2022, 23, 24, 25,, 26 …tant qu’ i-ara d’ la vie y-ara d’ l’ espoir… !

Mots clés: