Replay du lundi 1 mars 2021

Votre horoch'ti de ce lundi

Attaquez bien ch’ mos chi, l’ ress’ i suivra.

José Ambre
José Ambre © Radio France

Bonjour min tiot, bonjour mes gins, et bonjour à ch’ moè d’ Mars… qu’ i  nous apporte du bieau timps et un air vif à faire peur à ch’ covid…réussis cha min loute et te s’ra grass’mint récompinsé…à par cha,  vu que j’ sus point là pou’ l’ météo, in passe tout sute aux affaires sérieuses…

Pas vrai BELIER… ? Alors, i parait qu’ t’ es prêt à faire quiqu’ concessions… ?…N’in fais point d’ trop quand même hein… gardes eune poère pou’ la soif… !

TAUREAU, te vas treuver eune solution à tes problèmes, et cha, pass’que te vas savoèr attinde…, acouter… et raviser au liu d’ foncer comm’ un éboeulé… !

Ech’ lundi-chi, GEMEAUX, té vas prouver l’ bien-fondé ed’ tes idées …Mais faut dire aussi qu’in face, y-ara point grand monde pour et’ contredire… Cha facilite…!

Ti CANCER, t’ es vif, astucieux, et t’ as d’ z’idées géniales… et cha, cha va t’ faire valoèr un réel succès auprès des gins de s’intourache… !

LION, y-a quiqu’ tinsions qui point’tent à l’ horison…Heureus’mint, cha n’ fait qu’ pointer… t’as l’ temps d’ vire vénir et d’agir in conséquince… !

VIERCHE, y-a l’ sérénité qui t’ invahit, m’ tiote crotte… Ress’ quand même su’ tes gardes, hein,  des fos qu’in n’in profit’rot pour et’ blouser … !

Tout in faisant mine de rien, BALANCHE,  te fais tout chou qu’i faut pour arriver à tes fins sans qu’ les z’autes i se n’apperseuch’tent.. bien joué min loute !

SCORPION, l’ patienche est eune vertu qu’ i fauro qu’ te développe…Et si qu’ té sais el’ dominer, y-ara des bieaux résultats au bout… !

SAGITTAIRE, te vas avoèr à faire aveuc des réactions brutales, ti,…Esquives et sauves-te, vaut miux cha que s’ artreuver à l’ hôpital… !

CAPRICORNE, t’ as grand plaisr à t’ rinde utile et ch’ est fort bien… Mais pinses quand même un monet à ti… Si qu’té donnes tout, i t’restra pus rien et t’aras belle mine …!

Soyes un monet plus tolérant, VERSEAU, …Tout l’ monde il a l’ drot de n’point pinser comm’ ti…  et ch’est fort bien ainsi… !

Et infin, PICHON, tin point fort du jour, ch’est la finance…Alorss,… prinds tout chou qui passe à portée sins t’occuper du ress’… te n’ sais point  d’ quo d’main s’ra fait … 

Allez, à d’main mes gins, attaquez bien ch’ mos chi, …l’ ress’ i suivra…

Mots clés: