Replay du samedi 27 février 2021

Votre horoch'ti de ce samedi

Bon week-en !

José Ambre
José Ambre © Radio France

T’ es in super forme, BELIER … ch’est l’momint d’faire du sport… allez…sautes dins tes baskets et vas courir dins ch’ bos…Mais point à 6 heures moins l’ quart du soèr non pus, ou cha s’ra d’ z’ heures supplémintaires payées à l’ invers…à 135 € d’ l’ heure… !

Poses-te les bonnes questions TAUREAU, …Ch’est l’ bon momint pou’ faire el’ point aveuc tin partenaire…equ’ cha seuche in amour ou in affaires …!

Ti, GEMEAUX, t’ es héreux comme un PICHON dins l’ l’ ieau, et tout i va t’ réussir … Cha s’ rot vraimint trop biête ed’ point n’ in profiter, hénon ?

Ti CANCER t’ e gramint plus méfiant equ’ prudent… Té devrot pourtant tinter du nouviau, et cha, surtoute in affaires, cha s’rot bon pour tes finances…

LION, te vis au d’ zeur ed’ tes moyens, ti,…Et tin compte i s’in va tout drot dins l’ rouche… j’sais bien qu’i-a point d’mau à s’ faire du bien, mais vas faire comprinte  cha à tin banquier, ti…!

VIERCHE, t’ es prête à toute pour arriver à tes fins, ti,…Mais attintion à ti quand même, hein… cul vu n’est point pardu, mais cul manié i-est in dinger …!

BALANCHE inva t’ laicher libe d’ travailler à t’ mode et cha s’ra tous bénéfices… te vas gagner du timps… et d’ l’argint… !

Aujord’ui, SCORPION, té vas devoèr canger ed’ direction et saquer su’ ch’ gouvernal’… mais ress’ surtoute maîte ed’ tin batiau …si qu’ t’ attaques  el’ falaise, t’ aras du mau à tin rèl’ver… !

Aujord’hui, SCORPION, te fais preuf’ d’ courache étonnant…Alorss profites pour envoyer à l’ huche tous chélalles qui s’mett’tent in travers ed’ tin qu’min,…. té pourras respirer un monet… !

Te pourras t’ ête fiert ed’ ti CAPRICORNE, …L’ air d’arien te vas passer à travers chés gouttes  et éviter toutes les imbroulles … bien min tiot… ! 

T’as d’ mau à supporter chés contraintes, VERSEAU… Mais cha n’est point eune raison pour et’ braquer… laiches passer l’ orache, y-a du ciel bleu au long … !

Et pour finir, PICHON, y-a un  manque ed’ motivation qui s’ fait sintir, ach’ matin…D’mande à tin comarat GEMEAUX, li qui est héreux comme un pichon dins l’ leau, i pourra pét’ête et’ faire eune tiote plache…

Allez, à d’main mes gins et bon week-en…

Mots clés: