Penaos eo erruet ar reier e koadoù an Uhelgoad kontet gant Maurice Poulmarc'h

Awenet eo Maurice Poulmarc'h gant reier ar vro ! Genidik eo eus Ploneve ar Faou (29) met emañ o chom en nec'h da goadoù an Uhelgoad dibaoe 22 vloaz. Krog eo da ganañ d'ar c'hentañ pell zo pa 'oa pilliger ha goude-se da gontañ pa oa erruet er parrez-mañ.

Ret eo d'ar c'honter selaou araok kontañ !

Ha plij a ra da Maurice ober un dro er c'hoad. N'eus ket kalz a dud en devezhioù-mañ met 'vez gwelet loened marzhus ennañ. Kontañ a ra deoc'h penaos eo bet krouet Poull ar moc'h gouez en Uhelgoad ha penaos eo erruet ar reier er c'hoadoù-mañ.