Lilly a farmacista

Émission 

Lilly a farmacista

Regina di l’Aspirina

Di e pillule l’artista

Inciacca, unghje è cumbina

Lilly a farmacista.

 Ghjè a mio moglia chì m’hà  dettu : “aiò, scrivi qualcosa pè a farmacista, scrivi, scrivi sì…

”Aghju dettu, « và bè ». È aghju scrittu :

 Regina di l’aspirina

Di e pillule l’artista

Inciacca, unghje è cumbina

Lilly a farmacista.

 Eccu fatta. Eo chì, prima facciu è dopu riflettu, l’aghju dumandatu à a mio moglia: “iè ma, perchè ch’aghju da scrive qualcosa pè a farmacista, perchè ? » M’hà rispostu, « è la corcia, Lilly mi dà sempre e medicine, mi dà sempre. Ghjè brava. » È và bè, l’aghju dettu, allora li scriveraghju qualcosa, li scriveraghju :

Regina di u Temestà

Di u Valium l’artista

Hè piena di lasciami stà

Lilly a farmacista.

 Eo chì prima facciu è dopu riflettu,  à a mo moglia dopu l’aghju avertuta: “avà basta i to picculi negozii incù cummercianti ! Ùn hè ? . Radio France ùn mi paga micca à scrive e puesie  per Lilly a farmacista, ùn mi paga, ma per fà l’analise di a situazione pulitica per aiutà a ghjente à pensà, per aiutà. L’auditori anu bisognu di mè. Je suis en mission, je suis. Ùn sò micca impiegatu à a Casa Musicale di Pigna, eo. Sò giurnalistu, sò. » Sò statu obbligatu di mette les points sur les i, a vi capite, ch’osinnò, a sentia vene, m’avia da dumandà di scrive qualcosa pè a panattera. A panattera, madama Agostini.

Regina di a torta

Di u fiatunettu artista

A panattera accorta

Hè nant’à a mo lista.

 Innò, basta, avà e panattere è e farmaciste. A mo missione oghje, ghjè di scrive qualcosa nant’à l’arrestati Miot. Missione impussibbile, le message d’altronde s’est autodétruit, una volta ascultatu. Ùn la sapia eo ch’elli eranu in prigò, l’arrestati, ùn la sapia sì. Missione impussibbile, ma ùn mi face paura, ùn mi face.

A panattera impanna

A farmacista cura

I Miot sò une manna

Pè a nostra curtura..

 Eccu fatta. È torna una missione riesciuta, torna.

Ùn sò micca giurnalistu à a Casa Musicale di Pigna, eo, ùn sò.  

Partager sur :