Masai: E belle serinate di Castelgandolfo

Émission 

Papa novu è usi vechji

Ma sai chì, abemus papam ? Pensu cun cummuzione à u mio amicu Pabba. Claude Pabba chì travaglia à a Banca di Francia. À ogni Papa novu, Claude Pabba paga u sciampagnu. L’hà da custà caru u cunclavu. S’elli cimencianu à cambià di Papa tutti i sei mesi corciu ch’ellu hè.

Hè vera chì, Francescu u primu, u Ghjesuitu di Buenos Aires, anu dettu ch’ellu era u Papa di i povari. Dunque u sciampagnu casca male. Un vichjeru di Le Barbu ci anderà bè. Le Barbu o le barbouze. Nantu à a stampa principianu à dì chì Francescu, in più d’esse l’amicu di i poveri, serebbi statu dinù quellu di i dittatori. Linguaccie. Ùn s’averianu da sparghje, in Masai, vuciate simili.

U so discorsu m’hè piaciutu, a vi dicu franca. Hè statu quellu d’un omu semplice. Hà dettu à a ghjente in piazza San Petru : aiutatemi, pregate per mè chì aghju da strazià. Và bè !.. Chì ghjè u travagliu di u Papa ? U Papa posa è pensa, atturniatu d’un stolu di sore è di frati chì u servenu. Colpi di tisane. U week end si ne và à Castelgandolfo. Cum’è strazii aghju vistu peghju. Claude Pabba sì chì strazia à a Banca di Francia. Micca Francescu. Si fusse statu in e capanniccie di Buenos Aires s’ellu vulia strazià, è micca in i palazzi vaticani. D’altronde, u dettu pupulare chì dice ? « Tranquillu cum’un Papa ». À unu chì ghjè beatu li si dice ch’ellu hè un « papachjone ». Quand’omu face una mossa ch’ùn ghjova à nunda si « scrive à u papa ».

In tutti i casi, aspettavamu un giovanu, anu elettu un vechju. Ghjè un segnu di l’impurtanza di a funzione. I cullega cardinali, di u Papa novu, ghjelosi, facenu corre issu puttachju ; 

Qualchì ghjornu prima d’esse elettu, l’Argentinu serebbi andatu à truvà una « mignota » in Roma. Una prustituta.  Entrenu in camera/ A donna li face :

  • O zì (ghjera in civile), O zì, in quant’à mè a à vostra età, u chichirichì….deve esse finita…

Quellu, quant’è tutti l’anziani era mezu sordu è risponde:

  • Cosa dite ?  

  • Dicu : o zì, a a vostra eta, ùn hè,  deve esse mezu chè finita….

  • A hè finita ? Quantu vi devu ?

Anu da esse qualcosa, e belle serinate di Castelgandolfo…

Masai 15 03 13 habemus papam

Partager sur :