Masai: Ghjurnata pè e donne

Émission 

O Ghjurnata Di e Donne?

Quelle femine chi n’anu  una techja d’esse belle

Quelle ch’ùn anu mai vistu u lupu è chì ne dumandanu u ritrattu à u Principellu

Quelle chì sò impiegate à a CATA è chì si ne cuntentatu

Quelle chì travaglianu à a CAPA è chì sò sepiate

Quelle chì dicenu : « Allo qui c’est ? », quand’elle ti telefuneghjanu

Quelle chì aghjustanu : « il n’y a personne ? »

Quelle à e quale si finisce per dì « ci sò eo… »

Quelle chì si campanu è quelle chi si sentenu campà

Les femmes batonnieres et les femmes battues

Quelle chì sognanu à maritassi incù l’emiru di u catarru perch’elle anu u nasu chì sgotta

Quelle chi si dumandanu sì qualchi d’unu hà mai cambiatu di sessu, ma duie volti

Quelle chi parlanu francese à i cani

Quelle chì sò sceme di u broutch de ghisonatch

Quelle chi si sò scritte nant’à u situ candidat-au-plasticage.com

Quelle chi pianghjenu dopu à a morte di Ugo Chavez

E stitutrici e l’estetitrici

E pensiunate è e passiunate

E joggeuses è e ghjucose

Quelle chì si rasanu a natura

Quelle chi si n’enfuttenu

Quelle chì, quand’elle taglianu una zucca si stonanu d’ùn sente u fischiu di l’appellu d’aria, chì cuncludenu ch’ellu ci era dunque un gaz à l’internu è chì si dumandanu cum’ellu hà fattu per finì dentru

Quelle chì ùn sanu ciò ch’hè accadutu à i sciampoing anti-folfare, ch’un si ne trova più... 

Quelle ch’ùn facenu a differenza trà u mondu veru è u mondu virtuale  

Quelle pè e quale a bellezza hè interna è chì si ne devenu cuntentà

Quelle pè e quale a bellezza hè invece esterna è chì si ne devenu cuntenta ancu di più

Quelle à e quale omu canta…..

 

 

Masai 08 03 13 ghjurnata pè a donne

Partager sur :