Masai : Les chaussettes de l'archiduchesse

Émission 

Gridu di rivolta macistu

No ma, mi ne so accortu, ùn abbpete penseru.. A so chì dopu ciò ch’aghju dettu vennari in Masai, -l’umaggiu à e donne-, ci vole oghje ch’eo menga un colpu à a botte. Un colpu à u chjerchju, un colpu à a botte, ghjè a filusifia di serviziu publicu di u giurnalistu.  U mio estru nant’à nant’à e donne v’hà messu u murale à zeru, à voi, omi pilosi corsi.  Ci vole dunque ch’eo dia una richjarata macista à u vostru murale.

Vi feraghju una dumanda sola. D’una pertinenza maiò:

E carzette di l’archiduchesse,  sò secche o ùn sò secche ? A ci faciamu quessa a dumanda quand’è n’amparavamu u mistieru di giurnalistu à a radiu. A ci facianu ripete ore sane è risposta mai ci n’era. Perchè ùn l’aghju mai sappiuta. Tant’anni dopu ùn aghju mai avutu l’occasione di ponela à un omu puliticu, issa dumanda ch’elli ci anu amparatu insistendu tantu, quant’è s’ella era a mamma di tutte e quistioni..

Puru s’eo mi n’enfuttu, oghje, finalmente, di sapè sì  e carzette è di l’achiduchesse sò secche o ùn sò secche. Ma mi vene issu gridettu di rivolta.

Je suis un écorché vif. Mi n’enfuttu. Ancu ancu s’elle eranu e carzette di Lady Chatterley, mi nenfuttu. E carzette di Lady Chatterley, issa bartulona, chì a sapemu tutti perchè ch’elle sò bagnate. Ma ancu s’elle eranu  e carzette di Trierweiler, mi n’enfutteria listessu. Trierweiler, nunda chè u nome face paura. E carzette di Trierweiler seranu secche o ùn seranu secche ? Aghju paura chì e carzette di Trierweiler sianu secche è trasecche. Umbè…

Un s’averia da parlà ma chè di quessa nant’à i media, a sapemu voi è eo. Quand’è v’andate ind’è dentistu è chè v’aspettate. Avete lettura chì v’hè pruposta nant’à u tavulinettu. Ci hè le Figaro Magazine, Voici, Le Nouvel Obs, Corsica, U Ribombu, valeurs actuelles, Arritti. Cosa pigliate ? Ditela franca. Pigliate à Voici chi vi prupone e photo di l’archiduchesse spugliata è quella di e so carzette bagnate appiccate à u filu. Lufiaccia. È vi piace ditela franca.  

Simu tutti cusì. Noi omi. A mamma di tutte e quistioni simu noi chì l’emu scritta, simu noi chì a punimu è ùn aspettemu risposta. Cosa ci interessa ? I solli è e donne. E basta. A sola scelta di a nostra vita d’omu hè questa quì :

Parte incù a cascia o parte cù a bacascia ?

Masai 11 03 13 Carzette di l'archiduchesse

Partager sur :