Masai: u dindonneau

Émission 

Les dresseurs de Findus et de dindonneau

Oghje sentu ch’ellu ci vole ch’eo vi dica una cunneria. E cunnerie à a radio, sò una respirazione, un fiatu novu. Rompenu a rotula di l’evenimenti è di l’analise chì li s’accoppianu, sempre listessi. Ete rimarcatu ?

Eo quant’è l’altri, aghju e mio analise, d’una severità è d’un nihilismu municipale.

Ghjè per ciò chì oghje, sentu ch’ellu ci vole ch’eo vi ne cappie una. Ma sappiate una cosa : hè più difficiule à inventà una cunneria, chè di fà u so impurtante, spieghendu à u mondu, chì si ne impippa, cumu è quandu ci vole à pensà.

Dunque, oghje v’aghju da parlà di u dindonneau…

Le dindonneauuuuuuuuuu

U dindonneau, ghjè un animale un pocu stupidu chì hà a forma d’un lonzu. Ùn hà ne gambe, ne cerbellu, ne arechje, ne oghji. D’altronde testa ùn ne hà. Ma mancu hà coda. Hè biancu. Biancu biancu biancu.

I spezialisti u chjamanu in latinu dindonus mongolus . Mongolus, micca perch’ellu vene da a Mongolia, l’ete capita.

U dindonneau d’allevu, ghjè un abruttitu finitu. I dindonneaux salvatichi sò più sgualtri. Certe volti, sò chjappi è addirizzati par des dresseurs de dindonneaux. Ma a lega contr’à i gattivi trattamenti fatti à i dindonneaux, ùn vole. « Touche pas à mon dindonneau », chjirlanu. In Francese.

Ghjuvanpaulu Luciani hà fattu un staziu à Melun « de dresseur de dindonneau ». Ma bon… A so moglia si sbroglia megliu chè ellu incù u dindonneau, ci vole à ricunnoscela.

U dindonneau hè cucinu carnale incù u findus. Anu listessu nivellu intellettuale. I studii l’anu fatti à l’Università di Casamozza. U findus hè quatratu è giallu cum’un duganeru. I spezialisti u chjamanu findus mongolus . Mongolus, micca perch’ellu vene da a Mongolia, l’ete capita.

I findus salvatichi sò più sgualtri. Certi piscadori, chjamati « piscadori di findus », (ci n’hè un’e pochi in Corsica, dice Gherardu Romiti u presidente di u Cumitatu di e Pesche), i chjappanu è i vendenu per metteli in acquariu. Un findus in un acquariu hè una bella cumpagnia per una criatura. Un figliolu unicu si po piglià d’affezzione per ellu.  Ma a lega contrà i gattivi trattamenti fatti à i findus, ùn vole. « Touche pas à mon findus », chjirlanu. In Francese.

Ghjuvanpaulu Luciani hà fattu un staziu à Melun « de dresseur de findus ». Ma bon… A so moglia si sbroglia megliu chè ellu incù u findus, ci vole à ricunnoscela.

Cari auditori di masai, passatevila bè addurmintati nant’à a   dolce strapunta di solli vechji  infrunghjati in i vostri conti secreti in l’isule Caiman.

Piatta u to surisu di cuccudrillu, o spezie di Cahuzac….

Masai 10 04 13 Dindonneau

Partager sur :