Masai: umaggiu à Maria Leandri

Émission 

Ch'ella campe a pueta Maria Leandri.

Umaggiu à Maria Leandri

 

Maria Leandri, a pueta di Prupià, hè à locu di riposu da poi a settimana scorsa. Si n’hè andata à 92 anni. Ghjè una figura grande di a lingua è di a canzona corsa. Fù a diva di u  Caffè di a Marina in Prupià è  di u Valincu sanu.

RCFM, chì ghjè cum’è voi sapete, a Frequenza Mora, hè nata è hà crusciutu da l’iniziu incù Maria Leandri à fiancu, cum’una spezie di cummare. Issu Masai, hè un umaggiu à quella chì ebbe un core tamantu à u so talentu.

Sentite a so voce. Vi prupongu issa puesie ch’ella disse pochi anni fà à l’emissione Dite a Vostra di Ghjuvancarlu Marsily.

Ch’ella campe, Maria Leandri.

 « Sì sempri in lu me cori

Ti tengu contu è cara

Ben’ chì u pruverbiu dissi

Più a terra abbassa è più u dolu, passa

 

O mà, trè anni fà ti sì addurmintata

Dopu cent’anni di vita tribbulata

In a to faccia chjara nienti si vidia

Nè mancu in u to sguardu nienti si lighjia

 

U tempu crudu d’un seculu passatu

Sempre bedda t’avia cunservatu

A to spressioni ùn avia mai cambiatu

Sempre in siru Dio t’avia lacatu 

 

Donna di talentu daghjia à mor’ di ghjenti

Parulli rintesi cunsigli prudenti

D’ùn fà dispettu à nimu ch’hè piccatu

Di stà sempre aducati è mai addisperati

O mà… »

 

 

 

Masai 18 02 13 Maria Leandri

Partager sur :