Toutes les émissions Émissions

Aiò aiò

Perchè hà dettu "aiò aiò", u Vechju?

A mane, quand’eo pigliu u caffè, aghju una metafisica in testa :  cum’averà fattu u Signore in sei giorni à creà tuttu: e cosi chè no videmu è quelle chì sò à bughju. U sole, a luna, i pedalò, a crema contru à i colpi di sole, i capipilati, a facciaccia di Valls. È poi tutti l’ animali, hà fattu, u Signore : i topi, i catelli lurchi, e zinzale, u porcu salvaticu, tutti tutti l’animali, tutte e cosi, i cunsiglieri generali, l’Adecec di Cervioni, i merri,  cacciatuci Jean Baggioni chì ghjera digià merre di e Ville di Petrabugnu, quandu u Vechju hà principiatu à decunà. 

Benintesu chì hà decunatu u Vechju. A Cacata Uriginale, ghjè quand’ellu disse: « Aiò, aiò, pigliemuci una manata di fanga è impastemucila … » . Poi ci sputò nantu è nacque Adamò. But not Adamò the Belgian singer Tombe la neige , no, Adamò, u primu Umanu di tutti.   È Adamò, asciugandusi u sputu in faccia, disse:  «Cuminciemu bè ! ».

Ma u Signore, ùn era propiu very happy. O zitelli ci vole à esse poligloti avà, n’hè. Dopu à avè cappiatu un nerbosu « Aiò, aiò”, Dio fece una anestesia generale à Adamo è creò a Donna. Adamò, quand’ellu s’hè discitatu guardò u signore in l’ochji è disse…

L’ochji...in fatti, ùn sò siguru siguru chì u Signore n’abbia avutu, ochji. Campava in u Niente, chè vo sciate, ùn ci era nunda à vede.

Lasciemu reghje.

Adamò hà fidighjatu a prima Donna, hà fidighjatu u Vechju, s’hè fidighjatu à ellu, è disse : « You make an horrible mistake, o Signore, ne manca un pezzu. A little thing  is missing in the woman. ».  Ma u Signore rispose:  <<aiò, aiò, o Adamo, ghjè a Donna, ghjè …> .

« Và bè, ma manca qualcosa, manca ».

“Aiò aiò o Adamo you are joking o cosa?  The Woman… you permitted mister, lascia e mo mani on your hanches…a Donna, aiò.”

Adamò, alluntanendusi, like a poor lonesome human being, circava u sensu di issu « Aiò, aiò », divinu.

Perchè, « aiò, aiò » è hà fattu l’Omu, poi « aiò, aiò » è hà fattu a Donna ?  

Oghje ghjornu quand’eo pigliu u caffè, a Mane, aghju sempre issa matafisica chì mi castica.

 

 

Masai 04 04 14 Aiò aiò - Masai

Partager sur :