Émissions Toutes les émissions

Masai

Masai Addurmintatu

Podcasts :

Discitemulu

 

Adhuc tua messis in herba est . Cosa vole dì ? U to granu s’hè in erba. Pacienza, guerrieri Masai, chì simu luntani di a sighera.

Nenzu, ogni guerrieru Masai deve vince a so battaglia. Qualessa? Quella chè tu ti porti in corpu.

Sì un guerrieru Masai. Iè, credimi, l’affare ùn hè in a sumiglienza fisica. I Masai di u Kenyà sò altr’è tantu longhi è fini chì noi simu chjuchi è tonduli. Innò, Masai, ghjè una metafura. Ognunu porta in sè una battaglia, una battaglia necessaria, da cambia u mondu. È u mondu principia in u to carrughju.

Ci vole à ricunnosce chì noi in Corsica, simu cuntenti. Da poi  chè n’avemu u nostru crematoriu. Simu salvi. À certi in Corsica, a so battaglia hè stata u crematorium. Sò i Masai di u crematoriu. Rispettu. Noi Corsi, in tuttu ciò chì riguarda a morte, simu i più forti. Nisunu ci ghjunghje à paru. Incù falcina ci dimu di tù. A morte data o ricevuta, a morta cantata, a morte cuntata, a morte celebrata, a morte spassighjata i ghjorni d’interru. A morte hè u nostru miglior’ modu di spressione. D’altronde ùn ci vestimu d’una assenza di culore : u neru. Ci meritavamu un crematorium, ringraziendune i Masai. È andemu puru à arusteci tranquilli, chì tantu, l’anima ùn brusgerà.

Ognunu si porta in sè una battaglia.

È e Masai d’Arabia Saudita chì ne faci ? E donne d’Arabia, isse guerriere, in un paese duv’elli scapanu quant’à manghjassi un ficu. Si sò messe à cunduce allora chì a lege islamica a li pruibisce. Ghjè un attu di resistanza. Ghjè a battaglia di isse Masai. Rispettu, incù l’inchinu.

Emu tutti un Masai addurmintatu in corpu. Un Masai chì, discitatu, nota à contr’à currente. Per puru dispettu. I masai sò scetichi di natura è attivi.

Aiò, emu tutti in noi un guerrieru Masai, dispettosu. Discitemulu chì, Adhuc tua messis in herba est.  

Face classa di parlà latinu, nò?

Masai addurmintatu