Replay du lundi 7 octobre 2013

Masai : Aiò aiò

Mis à jour le

Hà deccunatu u Vechju...

image par défaut

A mane, quand’eo pigliu u caffè, pensu sempre à una cosa, una sola :  cum’averà fattu u Signore in sei giorni à creatu tutte e cosi chè no videmu è quelle chì sò à bughju: u sole, a luna, i pedalò, a crema contru à i colpi di sole, i capipilati, a facciaccia di Manuel Barroso. È poi tutti l’ animali, hà fattu, u Signore : i topi, i catelli lurchi, e zinzale, u porcu salvaticu, tutti tutti l’animali, tutte e cosi, i cunsiglieri generali, l’Adecec di Cervioni, i merri,  cacciatuci Jean Baggioni chì ghjera digià u merre di e Ville di Petrabugnu, quandu u Vechju hà principiatu à deccunà. 

Benintesu chì hà deccunatu u Vechju. A Cacata Uriginale, ghjè quand’ellu disse: « Aiò, aiò, pigliemuci una manata di fanga è impastemucila, aiò, aiò… » . Poi ci sputò nantu è nacque Adamò. But not Adamò the Belgian singer Tombe la neige , no, Adamò, u primu Umanu di tutti.   È Adamò, asciugandusi u sputu in faccia, disse:  « Cuminciemu bè ! ».

Ma u Signore, ùn era propiu very happy. O zitelli ci vole à esse poligloti avà, n’hè, a sapete. Dopu à avè cappiatu un nerbosu « Aiò, aiò”, Dio fece una anestesia generale à Adamo è creò a Donna. Adamò quand’ellu s’hè discitatu guardò u signore in l’ochji è disse…

In fatti, dicu l’ochji, ma ùn sò siguru siguru chì u Signore n’abbia avutu, ochji. Campava in u Niente, chè vo sciate, ùn ci era nunda à vede tandu. Chì n’avia da fà di l’ochji ?

Lasciemu reghje. Adamò hà fidighjatu a prima Donna, hà fidighjatu u Vechju, s’hè fidighjatu à ellu, è disse : « O Signore, ne manca un pezzu. A little thing  is missing in the woman. You make an horrible mistake ».  Ma u Signore rispose:  <<aiò, aiò, o Adamo, ghjè a Donna, aiò…> .

« Và bè, ma manca qualcosa, manca ».

“Aiò aiò o Adamo you are joking o cosa, the Woman, you permitted mister, lascia e mo mani on your hanches…a Donna, aiò aiò”

Adamò, alluntanendusi like a poor lonesome human being, circava u sensu di issu « Aiò, aiò », divinu. Perchè, « aiò, aiò » è hà fattu l’Omu, poi « aiò, aiò » è hà fattu a Donna ? 

Oghje ghjornu quand’eo pigliu u caffè, aghju sempre issa matafisica in testa.

 

Masai Aiò aiò - Masai

Mots clés: