Vicente et son père.

L'alerte enlèvement déclenchée pour retrouver Vicente, 5 ans et demi, enlevé à Clermont-Ferrand par son père

Émissions Toutes les émissions

Masai

Masai: Campanilismu è dipendenza

Esse? Ùn s'hè ma chè uniti...

Napuleone hè statu una furtuna per Aiacciu. Hà fattu di issu borgu scantatu, a capitale di a Corsica. Risorte da u parangone trà Aiacciu è Bastia, riguardu à l’impurtenza aministrativa è pulitica di e duie cità.

Ringraziendu, dunque, à Napuleone, Aiacciu hè a sedia di praticamente tutti i servizii è i puderi : L’Assemblea di Corsica, a Cullettività Territuriale, u Prefettu di Regione incù tutte i servizii di u statu, u Viscuvatu, a direzzione uspitaliera, Air Corsica, EDF, Corse Matin, France 3, per ùn cità chè i più impurtanti. Ma ci n’hè tant’altri. Da Vizzavona in quà, in Bastia, chì ci hè ? U Putere Ghjudiziariu  (Corte d’Appellu, Tribunale Aministrativu è Corte di i Conti). È ci hè RCFM, a Frequenza Mora.   

Aiacciu hè dunque a cità di i dui Puteri:  Puliticu è Aministrativu.

Cosa ferma à Bastia ? Forse, pagherà caru, ancu oghje, d’esse stata a capitale di a Corsica Genuvese ? In cumpensu, li ferma à auto-ingannassi d’esse a capitale culturale di a Corsica, perch’ellu ci hè Arte Mare, e Musicali o u Festivale di u filmu Talianu. À auto-cunvincesi d’esse a capitale ecunomica, perchì u so portu hè a maiò entrata maritima di a Corsica. Hà forse quessa a so parte di verità, ma si n’hè mai misuratu l’incunvenienti, d’esse u purtone maritimu di l’Isula? Ma s’hè mai misuratu a tragedia di issa bella cità ch’ùn vole ricunnosce a so bellezza? O piuttostu, serà chì l’hà sempre piattata sottu à a so vestura operaia. Oghje, più operativa chè operaia.

O ghjente, averà da durà assai u campanilisimu di a miseria ? Issa lotta permanente trà e duie cità di l’isula, per sapè quale hè a più bella, a più forte ?  Scurdendusi ch’ellu ci n’hè d’altre, cità, ch’aspettanu d’esse cunsiderate.

O spechju, dimi a verità…

Averà da durà assai, issa cumpetizione vechjogna è dannifera, trà a cità detta Imperiale è l’altra, detta oparaia è chì face fronte à a Tuscana.

Cumpetizione custruita nant’à fantasimi di u passatu, stracci di realità rimote, riattualizate micca per nunda. Campanilismu intrattenutu da u cunservatismu,  cum’ellu s’accadizza u focu di a  divisione, chì ghjè esatamente dinù, quellu di a dipendenza.

A quistione ci vole à ponesila cusì: truvà à quale prufitta issu cunservatismu di u niente, per capì chì, si a Corsica vole esse, deve in prima esse unita.  

Masai 12 03 14 Campanilismu è cunservatismu - Masai