Émissions Toutes les émissions

Masai : A Corsica ùn hè micca a Francia o hè ?

Simu o ùn simu...

A Corsica ùn hè a Francia o a Corsica hè a Francia?  Finalmente tuttu stà in a risposta à issa dumanda, in a pulemica chì oppone u Guvernu Francese à l’Assemblea di Corsica à prupositu di i voti nantu à u statutu di residente è a coofficialità.

Cosa dice u guvernu, in e dichjarazioni di u Ministru di l’Internu è di u Prefettu ? Isse duie decisioni di l’Assemblea Corsa ùn so di lege. Sò, sia fora da u sisteme legislativu francese, sia ùn basgianu cù a Custituzione di a Francia. Sì  Corsica hè a Francia, ùn ci hè altru nunda à dì, ci vole à accunciassi à l’espressione di u Populu Francese, vale à dì, a Lege. Sì invece a Corsica ùn hè micca a Francia, i dui voti di l’Assemblea di Corsica, sò l’espressione di u Populu Corsu è dunque diventanu –puliticamente- di lege chì l’espressione di u Pupulu Corsu hè sacra quant’è quella di u Populu Francese.

Cum’ella hè stata detta ghjorni fà, eccu chì, infine, capita a prova di verità pè u Populu Corsu. O, ghjuvendusi di issu cunfrontu, si face rispettà, vene à dì, in un modu o in un altru, ricunnosce, o issa forza ùn l’hà è si deve accuncià.

Ùn accade tantu spessu ch’ella ci sia data di campà un mumentu storicu. Perchè, ghjè u casu. Em’à ghjudicà a nostra capacità à unicci, al’ di sopra e differenze trà l’unu è l’altru. Ringraziemu dunque a Bona Furtuna di porghjeci issa battaglia chì accunsenterà di dicci: simu o ùn simu.

Da issa battaglia, s’ella hè vinta, puderia risultà, per un dettu, l’iscrizione di a Corsica, in quant’è tale, in a Custituzione Francese.

Tandu sì chì, a lege, in quant’è espressione à tempu di u Populu Corsu è di u Populu Francese, accerteria chì, sì a Corsica face parte di a Republica Francese, ùn hè micca a Francia e deve esse guvernata sottu à un sistema particulare.

Resultatu di tuttu issu negoziu: l’emu infine da sapè si “à rombu di cantà simu siguri ch’hà da vene”.

 

Masai : A Corsica ùn hè micca a Francia o hè ?

Partager sur :